გადაუდებელი სამუშაოების გამო 18 სექტემბერს ელექტრომომარაგება საბურთალოსა და გლდანის რაიონებში დროებით შეიზღუდება. ამის შესახებ ინფორმაციას „თელასი“ ავრცელებს.
მათივე ცნობით, საბურთალოს რაიონში გადაუდებელი სამუშაოების გამო, 10:00-დან 17:00 საათამდე შეზღუდვა შეეხება: ყაზბეგის გამზირის (ნაწილობრივ), მიცკევიჩის, ნუცუბიძის, ნადარეიშვილის, გურიელის, გაზაფხულის, მინდელისა და პოლიტკოვსკაიას ქუჩების მოსახლეობას.
გლდანის რაიონში გადაუდებელი სამუშაოების გამო, 11:00 დან 16:00 საათამდე შეზღუდვა შეეხება: მუხიანის IVა, IV ბ მიკრორაიონების, 26 მაისის, საზანოს, სამეგრელოსა და გამარჯვების ქუჩების მოსახლეობას.
კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.