გაერო-ს გამომძიებლები აცხადებენ, რომ ვენესუელის მთავრობამ "ჩაიდინა გამოუსწორებელი დარღვევები", რაც კაცობრიობის წინააღმდეგ ჩადენილი დანაშაულის ტოლფასია.
გაეროს ადამიანის უფლებათა საბჭოს ფაქტების შემსწავლელმა მისიამ ვენესუელაში ადამიანის უფლებების სისტემური ხელყოფის, მათ შორის მკვლელობის, წამების, ძალადობისა და გაუჩინარების შემთხვევები გამოიძია. გაერო-ს ჯგუფის განცხადებით, ამაში გარეულია ვენესუელის დე ფაქტო პრეზიდენტი ნიკოლას მადურო და სხვა მაღალჩინოსნები. კონკრეტულად კი, ბოლო ანგარიშში, გაეროს ჯგუფი აცხადებს, რომ ვენესუელის უსაფრთხოების სამსახურები 2014 წლიდან სისტემატიურ ძალადობას ახორციელებენ, რაც მიზნად ისახავს პოლიტიკური ოპოზიციის ჩახშობას და ზოგადად მოსახლეობის ტერორს.
მოხსენების თანახმად, გონივრული საფუძვლები არსებობს ვირწმუნოთ, რომ მადურო და შინაგან საქმეთა და თავდაცვის მინისტრები არა მხოლოდ ფლობდნენ ინფორმაციას დანაშაულების შესახებ, არამედ გასცემდნენ ბრძანებებს, კოორდინირებულად მოქმედებდნენ და რესურსებსაც გამოყოფდნენ. გამომძიებლები აღნიშნულ დასკვნებამდე 223 საქმის შესწავლის შემდეგ მივიდნენ.
გაერო-ში ვენესუელის ელჩმა მისიის საქმიანობა „მტრულ წამოწყებად“ შეაფასა.