ბიზნესომბუდსმენის აპარატმა და შრომის პირობების ინსპექტირების დეპარტამენტმა ბიზნეს ასოციაციებს მონიტორინგის გამკაცრების შესახებ ინფორმაცია მიაწოდეს

ბიზნესომბუდსმენის მოვალეობის შემსრულებელი ნინო კვეტენაძე და შრომის პირობების ინსპექტირების დეპარტამენტის უფროსი ბექა ფერაძე სექტორული ბიზნეს ასოციაციების წარმომადგენლებს შეხვდნენ. ინფორმაციას ბიზნესომბუდსმენის აპარატი ავრცელებს.

შეხვედრაში მონაწილეობდნენ ინსპექტირების პროცესში ჩართული შინაგან საქმეთა სამინისტროსა და გარემოს დაცვისა და სოფლის მეურნეობის სამინისტროს შესაბამისი დეპარტამენტების წარმომადგენლები.

„ვაგრძელებთ შეხვედრებს ბიზნეს ასოციაციებთან და კერძო სექტორის წარმომადგენლებთან. ბიზნესს კიდევ ერთხელ მივაწოდეთ ინფორმაცია კორონავირუსის პრევენციის მიზნით მოთხოვნილ რეგულაციებთან დაკავშირებით. ასევე, მივაწოდეთ ინფორმაცია რეგულაციების აღსრულებაზე მონიტორინგის გამკაცრების შესახებ. კერძო სექტორმა გამოხატა მზაობა ითანამშრომლოს ინსპექტირების უწყებებთან და სრულად დააკმაყოფილონ ჯანდაცვის სამინისტროს მიერ მოთხოვნილი რეგულაციები. ეს თანამშრომლობა მნიშვნელოვანია, რათა შედეგად მოხდეს ეპიდ სიტუაციის გაუმჯობესება ქვეყანაში და ბიზნესმა განაგრძოს მდგრადი ფუნქციონირება“, - განაცხადა ნინო კვეტენაძემ.

ბექა ფერაძის განცხადებით კი, ბიზნესს მიაწოდეს ინფორმაცია, რომ მომდევნო დღეების განმავლობაში პროტოკოლების შესრულებაზე კონტროლი მეტად იქნება გამკაცრებული.

„გაიმართა მორიგი შეხვედრა ბიზნეს ასოციაციებთან სხვადასხვა სექტორული მიმართულებით. კერძო სექტორს კიდევ ერთხელ გავაცანით ჯანდაცვის სამინისტროს მიერ დამტკიცებული პროტოკოლები. მივაწოდეთ ინფორმაცია ბიზნესს, რომ მომდევნო დღეების განმავლობაში პროტოკოლების შესრულებაზე კონტროლი მეტად იქნება გამკაცრებული და ასევე, ვისაუბრეთ ინსპექტირების პროცესში მათი მხრიდან დანახულ გამოწვევებზე. ეს პროცესი ძალიან მნიშვნელოვანია, რათა მოხდეს ვირუსის პრევენცია და დავიცვათ თითოეული მოქალაქე“, - განაცხადა ბექა ფერაძემ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით