IRI - გამოკითხულთა 36% არჩევნებზე მხარს „ქართულ ოცნებას“, 15 % კი - „ნაციონალურ მოძრაობას“ უჭერს

"საერთაშორისო რესპუბლიკური ინსტიტუტის" (IRI)-ს მიერ ჩატარებული გამოკითხვის მიხედვით, გამოკითხულთა 36% არჩევნებზე მხარს „ქართულ ოცნებას“, 15 % კი- „ნაციონალურ მოძრაობას“ უჭერს.

კერძოდ, კითხვაზე: ამ კვირას რომ საპარლამენტო არჩევნები იყოს, ვის მისცემდით ხმას, 36%-მა „ქართული ოცნება“ დაასახელა, 15 %-მა - „ნაციონალურ მოძრაობა“.

დანარჩენი ხმები კი ასე გადანაწილდა - „ევროპული საქართველო -თავისუფალი დემოკრატები“ – 4%, „ახალი საქართველოსთვის -სტრატეგია აღმაშენებელი“ – 4%, „პატრიოტთა ალიანსი“- 4%, „ლეიბორისტული პარტია“- 3%. ამომრჩეველთა 23 % კი აცხადებს, რომ არ იცის, ან პასუხი არ აქვს. რაც შეეხება სხვა პარტიებს - „სამოქალაქო მოძრაობას“ აქვს 2%, „ლელო საქართველოსთვის“- 2%, „გირჩი“ - 2%, „დემოკრატიული მოძრაობა - ერთიანი საქართველო - 1%, სხვა პარტია- 2%, არცერთი- 3%.

გარდა ამისა, IRI-ს მიერ დასმული კიდევ ერთი შეკითხვის მიხედვით, გამოკითხულთა 33 % აცხადებს, რომ პირველ რიგში „ქართულ ოცნებას“ დაუჭერს მხარს, ხოლო რესპონდენტების 3 % მმართველ პარტიას იმ შემთხვევაში დაუჭერს მხარს, თუკი საარჩევნო ბიულეტენში მისი რჩეული პარტია არ იქნება. კერძოდ, კითხვაზე, ამ კვირას რომ საპარლამენტო არჩევნები ჩატარდეს, ვის დაუჭერთ პირველ რიგში მხარს და იმ შემთხვევაში, თუკი თქვენი რჩეული საარჩევნო ბიულეტენში არ იქნება, ვის შემოხაზავდით მის ნაცვლად, პასუხები ასე გადანაწილდა: გამოკითხულთა 33 %-სთვის პირველი არჩევანი „ქართულ ოცნება - დემოკრატიული საქართველოა“, ალტერნატიული არჩევანის სახით კი პარტიას 3 % უჭერს მხარს. პირველ არჩევნად პარტია „ნაციონალურ მოძრაობა- ძალა ერთობაშიას“ 15 % ასახელებს, იმ შემთხვევაში კი, თუკი რჩეული პარტია ბიულეტენში არ იქნება, „ნაციონალურ მოძრაობას“ მხარს გამოკითხულთა 3 % უჭერს. „ევროპულ საქართველოს“ მხარს გამოკითხულთა 4 % უჭერს, ალტერნატიული არჩევანი კი პარტია რესპონდენტთა 5 %-სთვის არის. „ახალი საქართველოსთვის - სტრატეგია აღმაშენებელს“ მხარს გამოკითხულთა 4 % უჭერს, იგივე მხარდაჭერა ექნება პარტიას იმ შემთხვევაში, თუკი რესპონდენტთა რჩეული პარტია ბიულეტენში არ იქნება. „პატრიოტთა ალიანსს“ მხარს გამოკითხულთა 3% უჭერს, იმ შემთხვევაში კი, თუკი სასურველი პარტია ბიულეტენში არ აღმოჩნდება, „პატრიოტთა ალიანსს“ მხარს რესპონდენტთა 5% დაუჭერს. გამოკითხულთა 3%-სთვის „ლეიბორისტულ პარტია“ პირველი არჩევანია, რესპონდენტთა 2 % კი აცხადებს, რომ „ლეიბორისტულ პარტიას“ მხარს იმ შემთხვევაში დაუჭერს, თუკი მისთვის სასურველი პარტია ბიულეტენში არ იქნება.

გამოკითხვა Institute of Polling and Marketings-მა 4-დან 21 აგვისტოს შუალედში ჩაატარა. კვლევის ფარგლებში მთელი საქართველოს მასშტაბით პირისპირ ინტერვიუს გზით 1 500 მოქალაქე გამოიკითხა. კვლევა US Agency for International Development-ის მიერაა დაფინანსებული. მისი საშუალო ცდომილება 2.5%-ია.

იხილეთ ვიდეო: IRI - გამოკითხულთა 36% მხარს "ქართულ ოცნებას" უჭერს

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება