ირაკლი კობახიძე - როცა 48 მილიონს იპარავ, საქმე ვერ იქნება პოლიტიკურად მოტივირებული და არ გაქვს უფლება დარჩე პოლიტიკაში

როცა 48 მილიონს იპარავ, შენს მიმართ საქმე ვერ იქნება პოლიტიკურად მოტივირებული და არ გაქვს უფლება დარჩე პოლიტიკაში. საქართველოში ეს კულტურა ჯერ დამკვირდებული არ არის, თუმცა, ძალიან მალე შეიძლება დამკვიდრდეს,- ამის შესახებ პარლამენტის ყოფილმა თავმჯდომარემ ირაკლი კობახიძემ ჟურნალისტებთან განაცხადა, რითაც პოლიტიკური დევნის შესახებ ევროპარლამენტარების განცხადებებს გამოეხმაურა.

რაც შეეხება ევროპარლამენტის რეზოლუციას და იმ რეკომენდაციებს, რომელიც კანონმდებლობასთან დაკავშირებით არსებობს, როგორც კობახიძე ამბობს, ისინი გაზიარებული იქნება და ეს საკითხი დაიხურება.

„საქართველოში პოლიტიკურად მოტივირებული საქმეები არ არსებობს, საქართველოში არიან პოლიტიკური კრიმინალები, რომლებსაც შეეფარდათ კონკრეტული სასჯელები და ასეთი ადამიანები პოლიტიკაში არ უნდა იყვნენ. მარტივი კითხვა მინდა დაგისვათ, მე რომ მოვიპარო წელს 48 მილიონი და მოვახმარო ეს საარჩევნო მიზნებს, ჩემს მიმართ ოდესმე აღძრული საქმე შეიძლება ჩაითვალოს პოლიტიკურად მოტივირებულად? რა თქმა უნდა არა. პასუხი მარტივია,"- განაცხადა კობახიძემ.

კითხვაზე თუ რატომ მოხვდა ანგარიშში პოლიტიკურად მოტივირებული საქმეების შესახებ ჩანაწერი, კობახიძე პასუხობს, რომ ეს ჩანაწერი საკმაოდ რბილია და მას ევროპარლამენტარების უმეტესობა არ ეთანხმება.

„ეს მოხვდა იმიტომ, რომ ისიც არის პარლამენტი, არიან პოლიტიკოსები და მათ უწევთ გარკვეული კომპრომისების მიღწევა, შესაბამისად, იქ რაღაც ჩაიწერა, რასაც ჩვენ არ ვეთანხმებით, ეს არის ერთი პატარა პასაჟი, თუმცა, ვხედავთ, რომ ეს ჩანაწერიც არის ძალიან რბილი. ევროპარლამენტში უმეტესობა ამ ჩანაწერს არ ეთანხმებოდა, თუმცა, გარკვეული კომპრომისის გამონახვა პოლიტიკოსებს უწევთ. მთავარი არის ის, რომ საქართველოში არავის დევნა არ ხდება პოლიტიკური მოტივებით, საქართველოში არიან პოლიტიკური კრიმინალები, ეს არის მაგალითად უგულავა, რომელმაც 48 მილიონი მოიპარა, მელია, რომელმაც ადეიშვილის დავალებით "ქართუ ბანკი" გააკოტრა, ესენი არიან ადამიანები, რომლებიც სასტიკად ეპყრობოდნენ სხვა ადამიანებს. მოლაშვილის საქმეზე აქვთ შეფარდებული სასჯელი კონკრეტულ პოლიტიკოსებს. არც ერთი მათგანი არ არის პოლიტიკური დევნილი, ისინი არიან პოლიტკრიმინალები,"- განაცხადა კობახიძემ.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა