ყველაფერს გავაკეთებთ, რომ ჩვენი ხალხის და ევროკავშირის წინაშე აღებული ყველა ვალდებულება მომავალშიც ასევე პირნათლად შევასრულოთ,- ამის შესახებ ეკონომიკის მინისტრმა ნათია თურნავამ ევროპარლამენტის ანგარიშის შესახებ განაცხადა.
"ჩვენთვის ძალიან სასიხარულოა ევროპარლამენტის მიერ მიღებული დოკუმენტი,სადაც ადეკვატურადაა შეფასებული პროგრესი, რაც ევროკავშირთან ინტეგრაციის პროცესში რეფორმების თვალსაზრისით უზრუნველვყავით. მთელი ჩვენი გუნდი ძალიან აქტიურადაა ჩართული ევროკავშორთან ინტეგრაციის წინ წაწევის პროცესში. რეფორმები ერთი დღითაც არ შეგვიჩერებია პამდემიის პირობებშიც კი და კიდევ უფრო მეტს გავაკეთებთ, რომ ყველა ვალდებულება მომავალშიც პირნათლად შევასრულოთ",-აღნიშნა ნათია თურნავამ.