„სამოქალაქო პლატფორმა 20/20“ მოითხოვს, შსს-მ ბოლნისში მომხდარ ფაქტზე გამოძიება დაიწყოს

ბოლნისის რაიონის სოფელ ნახიდურში დაფიქსირებულ შემთხვევაზე შინაგან საქმეთა სამინისტრომ გამოძიება უნდა დაიწყოს, - ამის შესახებ დღეს გამართულ ბრიფინგზე „სამოქალაქო პლატფორმა 20/20“-ის პროგრამების დირექტორმა ლაშა ფარულავამ განაცხადა.

ფარულავას ინფორმაციით, ,,ქართული ოცნების’’ ადგილობრივი საკრებულოს დეპუტატის მხრიდან დაფიქსირდა სისხლის სამართლის დანაშაულის ფაქტი როდესაც მან, ტელეკომპანია ,,მთავარი არხი“-ს ჟურნალისტზე, ჯეიხუნ მუჰამედალიზე, რომელიც წინასაარჩევნო პოლიტიკურ პროცესს აშუქებდა, ძალადობის მუქარა განახორციელა.

„მედიას გადამწყვეტი როლი ეკისრება 2020 წლის საპარლამენტო არჩევნების ღიად და სამართლიანად ჩატარებაში. აღნიშნული ფაქტი ხელს უწყობს პოლიტიკურ ძალებს შორის პოლარიზების გაზრდას და ახდენს ძალადობის წახალისებას, რაც აზიანებს თავისუფალ და სამართლიან საარჩევნო გარემოს. აუცილებელია ამ ფაქტზე სათანადო რეაგირება მოხდეს სახელმწიფოს, არასამთავრობო სექტორის და დიპლომატიური კორპუსის მხრიდან,“ - განაცხადა კუპრავამ.

„გუშინ, ბოლნისის რაიონის სოფელ ნახიდურში, დაფიქსირდა საარჩევნო სუბიექტის საარჩევნო ბლოკის „ნაციონალური მოძრაობა/გაერთიანებული ოპოზიციის“ საქმიანობაზე ხელშეშლის ფაქტი. რომელშიც მონაწილეობდნენ, ბოლნისის საკრებულოს დეპუტატი ვუგარ ისმაილოვი და მისი თანმხლები პირები.

ამასთან, პოლიტიკური სუბიექტის ,,ქართული ოცნების’’ ადგილობრივი საკრებულოს დეპუტატის მხრიდან დაფიქსირდა სისხლის სამართლის დანაშაულის კონკრეტული ფაქტი, როცა მან ტელეკომპანია „მთვარი არხის“ ჟურნალისტს ხელი შეუშალა პროფესიულ საქმიანობაში.

„სამოქალაქო პლატფორმა 20/20” ცესკოს მიერ რეგისტრირებულია როგორც ადგილობრივი სადამკვირვებლო ორგანიზაცია, რომელიც 2020 წლის 31 ოქტომბრის საპარლამენტო არჩევნებს და მიმდინარე საარჩევნო პროცესს აკვირდება,“ - ნათქვამია ინფორმაციაში, რომელსაც სამოქალაქო პლატფორმა 20/20-ის პრესსამსახური ავრცელებს.

გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ეკა ლეკაშვილი - ხელისუფლებამაც და საზოგადოების ნაწილმა ისწავლა კოვიდ ინფექციასთან თანაცხოვრება
ქართული პრესის მიმოხილვა 17.09.2020
ზვიად კირტავა -  ახლა, როცა ვირუსს უკეთ ვიცნობთ, შეიძლება უფრო წერტილოვანი, ხანმოკლე და ლოკალური შეზღუდვების იმედად ვიყოთ
რან გიდორი - სწრაფვა მშვიდობისკენ კორონავირუსის დასამარცხებლად
თბილისს უახლოეს ხანში ძველი თბილისის შთაგონებით შექმნილი გასტრონომიული დუქანი "რიგი" შეემატება
„ევრონიუს ჯორჯია“ ქართულენოვანი მაუწყებლობის დაწყებას აღნიშნავს
გაეროს მსოფლიო ტურიზმის ორგანიზაციის TEDQUAL სერტიფიკატის გადაცემის ცერემონიალი კავკასიის უნივერსიტეტში
Mastercard-სა და საქართველოს ტურიზმის ეროვნულ ადმინისტრაციას შორის ურთიერთთანამშრომლობის მემორანდუმი გაფორმდა
ხელოვნური ინტელექტი ევრაზიაში – ბიზნესისა და ტექნოლოგიების უნივერსიტეტის პანელი თბილისში ჩატარებულ საერთაშორისო ფორუმზე
BTU-ს „ინიციატივა 5.0” და უმნიშვნელოვანესი პროექტები, რომელიც საქართველოში ციფრული ეკონომიკის გაძლიერებას ისახავს მიზნად
Samsung The Sero - ტელევიზორი, რომელიც ბრუნავს იმისთვის, რომ შენს სმარტფონს მოერგოს