სერგო ჩიხლაძე - ლარის გაუფასურება ეროვნული ბანკის არასწორი მენეჯმენტისა და ეკონომიკური პოლიტიკის შედეგია

ეკონომიკური კრიზისი იქნება გრძელვადიანი და ლარის გაუფასურების პროცესი პროგრესირებადი, თუ „ქართული ოცნების“ მთავრობა მყისიერ ნაბიჯებს არ გადაგამს, - ამის შესახებ „სტრატეგია აღმაშენებლის“ ერთ-ერთმა ლიდერმა სერგო ჩიხლაძემ ლარის კურსსზე საუბრისას განაცხადა.

ჩიხლაძის თქმით, მთავრობის მხრიდან ეროვნული ვალუტის სიჯანსაღესთან დაკავშირებით გაკეთებულ განცხადებები აბსურდულია და რეალობას არ შეესაბამება.

„ქალბატონი მინისტრისა და მთვრობის ლარის სიჯანსაღესთან დაკავშირებით გაკეთებული განცხადებები, ზოგადად მიანიშნებს იმ ფაქტზე, თუ რამდენად აცდენილები არიან და ვერ აღიქვამენ რეალობას. ლარის გასამყარებლად მარტო წლის დასაწყისიდან დღემდე ეროვნულმა ბანკმა 400 000 000-მდე დოლარი დახარჯა და ჩვენი ინფორმაციით, წლის ბოლომდე 150-200 მლნ დოლარის დახარჯვას გეგმავს. მიუხედავად ასეთი ინექციებისა, ლარი წლის დასაწყისიდან ახლანდელ ნიშნულთან შედარებით, მაინც მკვეთრად გაუფასურებულია და სამწუხაროდ, ეს პროცესი კვლავ გაგრძელდება. ამის მიზეზია ის არის, რომ ბიზნესს არ აქვს მთავრობის მიმართ ნდობა, ვერ გრძნობენ მხარდაჭერას და უფრო მეტიც, მათი მხრიდან, მიმდინარე პროცესებთან დაკავშირებით ძირითადად ნეგატიური მოლოდინებია. განსაკუთებით კი, ახლა და ეს რა თქმა უნდა, ეროვნული ბანკის არასწორი მენეჯმენტისა და ეკონომიკური პოლიტიკის შედეგია. სამწუხაროდ, ის არასწორი სვლები და მათ შორის,ეკონომიკური მიმართულებით, რომელიც „ქართული ოცნების“ მთავრობას აქვს აღებული, დღესაც გრძელდება. შესაბამისად, ამ ფონზე ლარის გაუფასურების პროცესი წლის ბოლომდე გაგრძელდება, უფრო მეტიც, ინფლაციისს პროცესი იქნება უფრო მეტად პროგრესირებადი, ვიდრე დღეს არის“, - განაცხადა სერგო ჩიხლაძემ.

ინფორმაციას „სტრატეგია აღმაშენებლის“ პრესსამსახური ავრცელებს.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 21.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)