ზურაბ ჭიაბერაშვილი - გარდამტეხი ცვლილებების გარეშე, ამ კრიზისის გამოსწორება, ეროვნული ბანკის ამგვარი ერთჯერადი ინტერვენციებით ვერ მოხერხდება

„ევროპული საქართველოს“ მაჟორიტარობის კანდიდატი თელავის, ახმეტის, ყვარლისა და ლაგოდეხის ოლქში, ზურაბ ჭიაბერაშვილი აცხადებს, რომ დღევანდელი ეკონომიკური კრიზისი ივანიშვილის ხელისუფლების არასწორი ეკონომიკური პოლიტიკის შედეგია, რომელიც კორონაკრიზისის არასწორმა მართვამ კიდევ უფრო გაამძაფრა.

ჭიაბერაშვილმა აღნიშნა, რომ ამ ვითარებიდან ერთადერთი გამოსავალი არის გარდამტეხი ცვლილებები და არა ეროვნული ბანკის ერთჯერადი ინტერვენციები.

„ვერანაირი 40, ან თუნდაც 80 მილიონიანი ინტერვენციები ეროვნული ბანკიდან ვერ დააკომპენსირებს იმ უზარმაზარ ზიანს, რაც ქართულმა ეკონომიკამ, ლარმა და ჩვენი მოქალაქეების ჯიბემ მიიღო განვლილი 8 წლის განმავლობაში „ქართული ოცნების“ მიერ წარმოებული არასწორი ეკონომიკური პოლიტიკით.

„ქართულმა ოცნებამ“ და ივანიშვილმა დაასუსტა ჩვენი ეკონომიკური იმუნიტეტი და იმის ნაცვლად, რომ კორონაკრიზისს, მაღალი ეკონომიკური ზრდით უფრო ჯანსაღად შევხვედროდით, ვხვდებით უფრო დასუსტებული ეკონომიკით და ბუნებრივია, კორონაკრიზისის პირობებში, მითუმეტეს იმ ჩაკეტვით რაც „ქართულმა ოცნებამ“ გააკეთა, კიდევ უფრო სუსტად ვართ და კიდევ უფრო მეტ ზიანს იღებს ეკონომიკაც, ლარიც და ჩვენი მოქალაქეების ჯიბეც.

ამრიგად, გარდამტეხი ცვლილებების გარეშე, ამ ვითარების გამოსწორება, ეროვნული ბანკის ამგვარი ერთჯერადი ინტერვენციებით ვერ მოხერხდება“,- აცხადებს ზურაბ ჭიაბერაშვილი.

ინფორმაციას „ევროპული საქართველოს“ პრესსამსახური ავრცელებს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით