თურქეთის დედაქალაქ ანკარაში ე.წ. "ისლამურ სახელმწიფოსთან“ კავშირში ეჭვმიტანილი ერაყის 16 მოქალაქე დააკავეს, - ამის შესახებ ინფორმაციას თურქული მედია ავრცელებს.
მათივე ინფორმაციით, დანარჩენი ეჭვმიტანილების დასაკავებლად სამძებრო ოპერაცია გრძელდება.
თურქეთმა „ისლამური სახელმწიფო“ ტერორისტულ დაჯგუფებად 2013 წელს გამოაცხადა. იმ დროიდან დაჯგუფების წევრები ქვეყანაში ტერორისტულ თავდასხმებს დროდადრო აწყობენ, რის შედეგადაც, ოფიციალური ანკარას ინფორმაციით, დაღუპულია 315 და დაშავებულია ასობით ადამიანი.