დავით ზალკალიანის განცხადებით, ევროპარლამენტმა ასოცირების ხელშეკრულება აბსოლუტური უმრავლესობით დაამტკიცა, რაც ხელისუფლების წარმატებული პოლიტიკის აღიარებაა

საქართველოს საგარეო საქმეთა მინისტრის, დავით ზალკალიანის განცხადებით, ევროპარლამენტმა ასოცირების ხელშეკრულება აბსოლუტური უმრავლესობით დაამტკიცა, რაც საქართველოს ხელისუფლების წარმატებული პოლიტიკის აღიარებაა.

ზალკალიანის თქმით, ეს კიდევ ერთი ნიშანია იმისა, რომ საქართველოს ევროპული მიმართულება შეუქცევადია.

„ევროპარლამენტმა აბსოლუტური უმრავლესობით დაამტკიცა ასოცირების შეთანხმება და ეს არის კიდევ ერთი აღიარება საქართველოს ხელისუფლების წარმატებული პოლიტიკის, როგორ ქვეყნის შიგნით მიმდინარე პოლიტიკური რეფორმებთან დაკავშირებით, ისე საგარეო პოლიტიკის სწორი კურსით. ეს არის კიდევ ერთხელ იმის დადასტურება, რომ საქართველოს ევროპიზაციის კურსი არის შეუქცევადი. მოგეხსენებათ, რომ ასოცირების ხელშეკრულების წარმატებით იმპლემენტაცია არის ერთ-ერთი მთავარი პრიორიტეტი ჩვენი საგარეო პოლიტიკის. მნიშვნელოვანია, რომ ასოცირების იმ ანგარიშში, რომელიც ევროკავშირმა გუშინ დაამტკიცა, საუბარია, რომ საქართველო არის მთავარი პარტნიორი რეგიონში, მნიშვნელოვანია, რომ ჩვენი ძირითადი გამოწვევები, რაც არის უსაფრთხოების სიტუაციასთან დაკავშირებული, ოკუპირებულ ტერიტორიებზე განსაკუთრებული აქცენტებია გაკეთებული და ცალსახად არის საქართველოს ოკუპირებული ტერიტორიების არაღიარება“, - განაცხადა ზალკალიანმა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 15.04.2021
როგორ გადავჭრათ „ნამახვანჰესის“ პრობლემა?
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა
სილქფესტი აბონენტებს ულიმიტო და დიდი მოცულობის ინტერნეტ პაკეტებთან ერთად სასაუბრო პირობებსაც შესთავაზებს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით