უკრაინამ და ამერიკის შეერთებულმა შტატებმა ერთობლივი სამხედრო წვრთნები დაიწყეს. ყოველწლიური საერთაშორისო სწავლება Rapid Trident („რაპიდ ტრაიდენტი“) ამერიკის არმიის ხელმძღვანელობით უკრაინაში, ლვოვის მახლობლად სამხედრო პოლიგონ „იავაროვაზე“ ტარდება.
სწავლებაში 10 ქვეყნიდან 4 000-მდე სამხედრო მოსამსახურე იღებს მონაწილეობას.
წვრთნების გახსნის ოფიციალურ ცერემონაზე უკრაინის პრეზიდენტმა ვლადიმირ ზელენსკიმ განაცხადა, რომ თანამედროვე, აღჭურვილი და ქმედითი შეიარაღებული ძალები მისი პრიორიტეტია და ის უკრაინის თავისუფალი განვითარების გარანტორია.
ცნობისთვის, პარალელურად, მეზობელ ბელარუსში ბრესტში მდებარე პოლიგონზე რუსეთთან ერთობლივი სამხედრო წვრთნები „სლავური ძმობა“ მიმდინარეობს.