თეა ახვლედიანი საქართველოში აკრედიტებული დიპლომატიური კორპუსისა და საერთაშორისო ორგანიზაციების წარმომადგენლებთან შეხვედრებს განაგრძობს

შერიგებისა და სამოქალაქო თანასწორობის საკითხებში საქართველოს სახელმწიფო მინისტრი თეა ახვლედიანი საქართველოში აკრედიტებული დიპლომატიური კორპუსისა და საერთაშორისო ორგანიზაციების წარმომადგენლებთან ინტენსიურ რეჟიმში შეხვედრებს განაგრძობს.

უწყების ინფორმაციით, საქართველოს მოქალაქეების უკანონო დაკავებები, საოკუპაციო ხაზთან მავთულხლართებისა და სხვა ხელოვნური ბარიერების აღმართვის უკანონო პროცესი, ოკუპირებულ ტერიტორიებზე ადამიანების უფლებების უხეში დარღვევის ფაქტები და ადგილზე შექმნილი მძიმე ჰუმანიტარული ვითარება, სხვა პრიორიტეტულ საკითხებთან ერთად, იყო სახელმწიფო მინისტრის თეა ახვლედიანის განხილვის მთავარი თემები, საქართველოში გერმანიის ფედერაციული რესპუბლიკის ელჩ ჰუბერტ ქნირშთან, საქართველოში გაერთიანებული სამეფოს ელჩ მარკ კლეიტონთან, საქართველოში ჩეხეთის რესპუბლიკის ელჩ პეტერ მიკისკასთან, ასევე ევროპის საბჭოს პოლიტიკურ საკითხთა დირექტორატის ხელმძღვანელობასა და საქართველოში ევროპის საბჭოს ოფისის ხელმძღვანელ ნატალია ვუტოსთან გამართული შეხვედრებისას.

შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატის ინფორმაციით, მხარეებმა დეტალურად იმსჯელეს საქართველოს შერიგებისა და ჩართულობის პოლიტიკის პრიორიტეტებსა და საქართველოს მთავრობის სამშვიდობო ინიციატივების განხორციელების მიმდინარეობაზე. ასევე, ვრცლად განიხილეს საქართველოს ორივე ოკუპირებულ რეგიონში უსაფრთხოების, ჰუმანიტარული და ადამიანის უფლებათა კუთხით არსებული ვითარება, ისევე როგორც თავისუფალ გადაადგილებაზე დაწესებული შეზღუდვებით შექმნილი გამოწვევები, რაც პანდემიის პირობებში კიდევ უფრო დამძიმდა. სამუშაო შეხვედრებზე სახელმწიფო მინისტრმა ამ საკითხებთან ერთად, ხაზი გაუსვა საერთაშორისო პარტნიორების მხრიდან ძალისხმევის გაგრძელების აუცილებლობას ამჟამად უკანონოდ დაკავებული პირების უპირობო და დაუყოვნებელი გათავისუფლების უზრუნველსაყოფად.

თეა ახვლედიანმა აღნიშნული საკითხები ასევე, განიხილა საქართველოს სახალხო დამცველთან, ნინო ლომჯარიასთან გაცნობით შეხვედრაზე, რომელზეც საუბრის ძირითად თემას სახელმწიფო მინისტრის აპარატის კომპეტენციაში შემავალი ორივე მიმართულებით, სახალხო დამცველის ოფისთან მიმდინარე თანამშრომლობის პრიორიტეტები და სამომავლო გეგმები წარმოადგენდა. ასევე, სიღრმისეულად იქნა განხილული 2021-2024 წლების სამოქალაქო თანასწორობისა და ინტეგრაციის სახელმწიფო სტრატეგიის დოკუმენტის შემუშავების პროცესიც.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო