თბილისის მერი კახა კალაძე თბილისის "ლოკომოტივსა" და "დინამო თბილისს" გამარჯვებას ულოცავს.

მისი შეფასებით, ეს არის ქართული ფეხბურთის მორიგი წარმატება.

"კიდევ ერთი გამარჯვება და ქართული ფეხბურთის მორიგი წარმატება - თბილისის „ლოკომოტივმა” მოსკოვის „დინამო” 2:1 დაამარცხა და ევროპა ლიგის მომდევნო ეტაპზე გადავიდა. ასევე, გამარჯვებით დასრულდა „დინამო თბილისის" შეხვედრა უელსის ჩემპიონ „ქონას ქი ნომედსთან“ და „დინამო თბილისი“ ევროპა ლიგაზე განაგრძობს ასპარეზობას. გილოცავთ!",- წერს კახა კალაძე სოციალურ ქსელში.