დონალდ ტრამპის ადმინისტრაციის უფროსი მარკ მოდოუსი აცხადებს, რომ ისრაელთან ურთიერთობების ნორმალიზებას არაბთა გაერთიანებული საამიროებისა და ბაჰრეინის შემდეგ კიდევ ხუთი ქვეყანა განიხილავს.

მარკ მოდოუსს არ დაუკონკრეტებია, რომელ ხუთ ქვეყანას გულისხმობდა, თუმცა აღნიშნა, რომ სამი მათგანი რეგიონში მდებარეობს.

შეგახსენებთ, არაბთა გაერთიანებულმა საამიროებმა და ბაჰრეინმა ისრაელთან ურთიერთობების ნორმალიზებას ხელი რამდენიმე დღის წინ მოაწერეს. ხელის მოწერის ცერემონიალი აშშ-ში, თეთრ სახლში გაიმართა და მას პრეზიდენტი დონალდ ტრამპი მასპინძლობდა.