რუსეთის ჯანდაცვის სამინისტრომ კორონავირუსის საწინააღმდეგო ამბულატორიული მკურნალობისთვის ანტივირუსული პრეპარატის, „ფავიპირავირის“, გამოყენების ნებართვა გასცა , - ამის შესახებ ინფორმაციას რუსული მედია ჯანდაცვის სამინისტროზე დაყრდნობით ავრცელებს.
მათივე ინფორმაციით, აღნიშნული მედიკამენტი აქამდე მხოლოდ ჰოსპიტალურ მკურნალობაში გამოიყენებოდა.
„ფავიპირავირი“ იაპონიაში გრიპის სამკურნალოდ შეიქმნა. პრეპარატი 2014 წელს დაამტკიცეს. მედიკამენტს „ავიგანის“, „არეპლივირის“, „ფავილავირისა“ და „ავიფავირის“ სახელებითაც აწარმოებენ.