რომან გოცირიძე - თვენახევარი დარჩა და როგორმე უნდა გავძლოთ, რომ 8-წლიანი წარუმატებელი მმართველობა ისტორიას ჩავაბაროთ

დღეს როგორც ჩანს, იქნება მთავრობის ბოლო პრეზანტაცია, მათი წარუმატებელი საქმიანობის, - ამის შესახებ ფრაქცია “ნაციონალური მოძრაობის” თავმჯდომარე რომან გოცირიძემ ჟურნალისტებთან განაცხადა, რითაც ლარის კურსის გაუფასურებას და პარლამენტში ინტერპელაციის წესით ეკონომიკის მინისტრის მისვლას გამოეხმაურა.

მისი თქმით, მთავრობამ არ გაითვალისწინა ის რჩევები, რომელსაც ოპოზიცია აძლევდა, შესაბამისად, ლარის კურსის დაჭერის ერთადერთი მექანიზმი - ეროვნული ბანკის ინტერვენციები დარჩა.

„ ვეუბნებოდით რომ ბიუჯეტი, რომელიც წარმოდგინეს, იქნებოდა ეკონომიკური დესტაბილიზაციის მთავარი წყარო - არ დაიჯერეს. ვეუბნებოდით რომ ლარი ჩამოიშლება, დღეს ერთადერთი ბერკეტი, რომელიც ხელისუფლებას აქვს არის ეროვნული ბანკის ინტერვენციები, რეზერვების გაყიდვა, სხვა არაფერი შემორჩა მთავრობას, რადგან მას უკვე ყველა პროცესი გაექცა და აგერ ვხედავთ სომხური სცენარით მიდის ჩვენდა საუბედუროდ ეპიდემიის გავრცელების პროცესიც. ყველაფერი რასაც ვეუბნებოდით 100%-ით ახდა.

რაც შეეხება გამოსავალს, ისმის შეძახილები, რომ ჩვენი ოქროს რეზერვები არ გაგვინადგუროთ და შემოვინახოთ, რომ არა ინტერვენციები ლარი დღე იქნებოდა არნახულ ნიშნულზე, შუქსაც ვერ ჩართავდით სახლში, ენერგეტიკა ჩამოიშლებოდა, ბიზნესები გაჩერდებოდა და ფასების საშინელი ზრდა იქნებოდა. დღეს ინტერვენციები არის იმის საშუალება, რომ როგორმე მივიდეთ არჩევნებამდე, ნორმალური გონივრული ხელისუფლების ფორმირებამდე.

მთავარი კითხვა მთავრობასთან, რომელსაც დღეს ეკონომიკის მინისტრი წარმოდგენს იქნება - სად არის თქვენი ნაქები ანტიკრიზისული გეგმა, რატომ დაანგრიეთ 6 თვეში ეკონომიკა, რატომ არის დღეს ლარი ჩამოშლილი, რატომ არ უფასურდება ეროვნული ვალუტა სომხეთში, აზერბაიჯანში და რატომ არის, რომ პანდემიის კრიზისმა ყველაზე მძიმედ და დამანგრევლად გადაიარა საქართველოზე, იმიტომ რომ ხართ არაკომპეტენტურები და ყველაფერი აგებული იყო „ქართული ოცნების“ პოლიტიკური ინტერესების შესაბამისად. ერთადერთი, რისი იმედიც შეიძლება გვქონდეს, არის ის, რომ დარჩა თვენახევარი და როგორმე უნდა გავძლოთ, რომ შემდეგ ჩავაბაროთ ისტორიას ეს 8 წლიანი წარუმატებელი მმართველობა,“- განაცხად გოცირიძემ.

ცნობისათვის, დღეს პარლამენტში ინტერპელაციის წესით ნათია თურნავას მოუსმენენ. ეკონომიკის მინისტრი საკანონმდებლო ორგანოში „ევროპულმა საქართველომ“ დაიბარა, შესაბამისად, პარტიის წევრები სხდომას დაესწრებიან.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 27.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
ირმა ინაშვილი - 8 წელია სადისტები გვასხედან თავზე (R)
Admixer - ახალი შესაძლებლობები ციფრულ მარკეტინგში
ეფექტური ლოგისტიკა, როგორც სამშენებლო ინდუსტრიის განვითარების მექანიზმი (R)
დღეიდან სილქნეტი Ispace-ის სარეალიზაციო ცენტრებში აქციას იწყებს
კავკასიის უნივერსიტეტი სპეციალურ განცხადებას ავრცელებს