ზურაბ ჭიაბერაშვილი - ბიძინა ივანიშვილს საქართველო წარმოუდგენია, როგორც თავისი დენდროლოგიური პარკი

ბიძინა ივანიშვილს საქართველო წარმოუდგენია, როგორც თავისი დენდროლოგიური პარკი, სადაც თავისი ზოოპარკი უნდა ჰყავდეს და სხვამ არ უნდა გაბედოს ბიზნესის კეთება, კეთილდღეობის ზრდა და სამუშაო ადგილების შექმნა, - ამის შესახებ „ევროპული საქართველოს“ წევრმა ზურაბ ჭიაბერაშვილმა პარლამენტის პლენარულ სხდომაზე განაცხადა, სადაც ინტერპელაციის წესით ეკონომიკისა და მდგრადი განვითარების მინისტრს, ნათია თურნავას უსმენენ.

ჭიაბერაშვილის თქმით, საქართველოში ეკონომიკამ დაკარგა მიმზიდველობა.

„საქართველოში უმძიმესი მდგომარეობა უმუშევრობის, ფასების ზრდის, სიღარიბის თვალსაზრისით იყო კოვიდ კრიზისამდეც. 2019 წელს რეკორდულად იყო შემცირებული პირდაპირი უცხოური ინვესტიციები და ეს ცხადად აჩვენებს,რომ საქართველოში ეკონომიკამ დაკარგა მიმზიდველობა. რამ უნდა შექმნას სამუშაო ადგილები? რამ უნდა დაასტაბილუროს ლარი? რამ უნდა შეაჩეროს ფასების ზრდა, თუ ქვეყანაში არ შემოვა ინვესტიცია? ინტერესი ბიძინა ივანიშვილის არის ის, რომ არ შემოვიდეს ინვესტიცია. ბიძინა ივანიშვილს საქართველო წარმოუდგენია, როგორც თავისი დენდროლოგიური პარკი, სადაც თავისი ზოოპარკი უნდა ჰყავდეს და სხვამ არ უნდა გაბედოს ბიზნესის კეთება, კეთილდღეობის ზრდა, სამუშაო ადგილების შექმნა. ჩვენ ვრჩებით ჭაობი, სადაც ადამიანებისთვის პერსპექტივა არ არის“, - განაცხადა ჭიაბერაშვილმა.

მისივე შეფასებით, ეკონომიკის მინისტრის სიტყვით გამოსვლა „უტიფრობა“ იყო.

„ქალბატონი ნათია, თქვენ მინისტრის მოადგილე იყავით შევარდნაძის მთავრობაში, მაღალი თანამდებობები გეკავათ 2003 წლიდან 2012 წლამდე, დღეს მინისტრი ბრძანდებით „ქართული ოცნების“ მთავრობაში. ახლა რასაც თქვენ ლაპარაკობდით ტრიბუნიდან 2008 წელთან დაკავშირებით, ამას ვოლსკი რომ ლაპარაკობს, ეს გასაგებია, ის ამას ლაპარაკობს მუდმივად, 10-12 წელიწადია, მაგრამ თქვენ, რომელიც მთავრობაში იყავით, ხედავდით როგორ დადიოდა კაბინეტიდან კაბინეტში გიორგი კანდელაკი, ქუთაისის აეროპორტი რომ გახსნილიყო და „ვიზეარი“ და „რაინეარი“ შემოსულიყო და მიუხედავად ამისა, ამას ტრიბუნიდან ლაპარაკობთ, უბრალოდ სირცხვილია. ოდესმე ხომ უნდა შევხვდეთ ან დერეფანში, ან ქუჩაში და თვალებში ერთმანეთს ხომ უნდა შევხედოთ? ასეთი უტიფრობა, რაც მე ახლა თქვენგან მოვისმინე, პირადად მე, ადამიანი, რომელიც დიდი ხანია გიცნობთ, გაოგნებული ვარ. ეს წარმოუდგენელია, რაც თქვენ აქედან ილაპარაკეთ“, - განაცხადა ჭიაბერაშვილმა.

ცნობისთვის, დღეს პარლამენტში ეკონომიკისა და მდგრადი განვითარების მინისტრი, ნათია თურნავა პლენარულ სხდომაზე ინტერპელაციის წესით წარსდგა. თურნავა საკანონმდებლო ორგანოში ინტერპელაციის წესით „ევროპულმა საქართველომ“ დაიბარა.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა