ბელარუსის მიერ ლიეტუვასა და პოლონეთთან საზღვრის ჩაკეტვის გადაწყვეტილება არაადეკვატურია, – ამის შესახებ ლიეტუვის საგარეო საქმეთა მინისტრმა, ლინას ლინკევიჩუსმა ЛРТ-სთან ინტერვიუში განაცხადა.

„ვფიქრობ, უნდა გადავხედოთ, რას ნიშნავს ეს, ნიშნავს ეს საზღვრების ტვირთებისთვის, თუ ადამიანებისთვის ჩაკეტვას, თუ კიდევ სხვა რამეს. იყო ასევე განცხადება, რომ ნახევარი არმია გადაისროლეს დასავლეთ საზღვრის დასაცავად. ეს არის არაადეკვატური ადამიანის არაადეკვატური რეაქცია არსებულ სიტუაციაზე“, – განაცხადა ლიეტუვის საგარეო მინისტრმა.

შეგახსენებთ, ბელარუსის პრეზიდნეტმა ალექსანდრე ლუკაშენკომ განაცხადა, რომ ბელარუსი იძულებულია, პოლონეთთან და ლიეტუვასთან საზღვრები ჩაკეტოს, უკრაინასთან კი სასაზღვრო კონტროლი გააძლიეროს.