ამირან გამყრელიძე მოსახლეობას მიმართავს, ტემპერატურის მომატების დროს აუცილებელად მიმართონ სამედიცინო დაწესებულებებს

დაავადებათა კონტროლის ეროვნული ცენტრის ხელმძღვანელი, ამირან გამყრელიძე მოქალაქეებს მიმართავს, ტემპერატურის გამოვლენის შემთხვევაში, აუცილებლად მიმართონ სამედიცინო დაწესებულებებს. მისი თქმით, ტემპერატურის მქონე ავადმყოფი აუცილებლად თვითიზოლირებული უნდა იყოს.

„მივმართავ, როგორც ბათუმის და აჭარის, ასევე მთელი საქართველოს მოსახლეობას, ტემპერატურის მომატების დროს ყველა პაციენტმა აუცილებელია მიმართოს შესაბამის სამედიცინო დაწესებულებებს, სადაც ტარდება ტესტირება და ნიმუშის აღება კოვიდ ინფექციაზე. მათ თავისუფლად შეუძლიათ, რომ დარეკონ 112-ზე, ისინი გადაამისამართებენ შესაბამის სამედიცინო დაწესებულებაში და იქ ჩაუტარდებათ ტესტი, რომლის პასუხი 24 საათში იქნება, მაგრამ, მანამდე, ტესტის ჩატარების შემდეგ, ტემპერატურიანი ავადმყოფი აუცილებლად უნდა იყოს თვითიზოლირებული, რომ რაც შეიძლება ნაკლები კონტაქტი ჰქონდეს თავის ოჯახის წევრებთან და ასევე, გარემოცვასთან“,-განაცხადა გამყრელიძემ.

მისი თქმით, შემოდგომის სეზონისთანავე აქტიურდება სხვადასხვა რესპირაციული ინფექცია, ამიტომ, ამირან გამყრელიძე მოქალაქეებს სიფრთხილისკენ მოუწოდებს.

„პირველ სეზონი იქნება, როდესაც იქნება თანხვედრა ორი ინფექციის-კოვიდ 19-ის და გრიპის. მოგეხსენებათ, ორივე რესპირაციული ინფექცია გახლავთ, კლინიკურად ძალიან ჰგვანან ერთმანეთს, მათი გარჩევა შეიძლება ძირითადად ლაბორატორიულად, ამიტომ 21 ლაბორატორია, რაც ამჟამად მუშაობს ქვეყანაში, გარდა კოვიდისა, შემდგომში აწარმოებენ გრიპის დიაგნოსტიკასაც. ასევე, ყველა კლინიკას ეთხოვა, რომ დროულად მოიმარაგონ სწრაფი ტესტები, რადგან ნოემბერში, როცა შეიძლება ეს პროცესი დაიწყოს, ადვილად მოვახდინოთ ამ ორი რესპირაციული ინფექციის დიფერენცირება“,-განაცხადა გამყრელიძემ.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით