ირანის მთელს ტერიტორიაზე, კოვიდინფიცირებულებისა და ვირუსით დაღუპულთა რაოდენობის ზრდის გამო, განგაშის წითელი დონე გამოცხადდა, - ამის შესახებ ინფორმაციას ირანის სახელმწიფო ტელევიზია ავრცელებს.
„ნარინჯისფერი და ყვითელი აღარსად გვაქვს, მთელი ქვეყანა წითელია. თუკი არსებული ნაჩვენებელი შენარჩუნდება, დაღუპულთა რაოდენობა 45 000-ს მიაღწევს,“- აღნიშნა ირანის ჯანდაცვის მინისტრის მოადგილემ ირაჯ ჰარირჩიმ.
მისივე თქმით, ფატალური შემთხვევების შემცირება მხოლოდ მოსახლეობის 95 %-ის მიერ პირბადეების გამოყენებითა და საზოგადოებრივი შეკრებების განახევრებითაა შესაძლებელი.
ირანის ჯანდაცვის სამინისტროს ინფორმაციით, ქვეყანაში, ბოლო 24 საათში, კოვიდ 19-ს კიდევ 144 ადამიანის სიცოცხლე ემსხვერპლა და დაღუპულთა რიცხვმა 23 952-ს მიაღწია, დაინფიცირებულთა რაოდენობა კი 3 049-ით, 416 198-მდე გაიზარდა.