ბადრი ჯაფარიძე საბურთალოს ოლქზე - ვგეგმავ, რომ პირველივე ტურში მოვახერხოთ გამარჯვების მიღწევა

„ლელო საქართველოსთვის“ ერთ-ერთი ლიდერის, ბადრი ჯაფარიძის განცხადებით, ამომრჩევლებს საკუთარი გადაწყვეტილება უკვე მიღებული აქვთ და ახლა აწუხებთ, რამდენად დაცული იქნება არჩევნებზე მათ ხმები.

როგორც ჯაფარიძემ „პალიტრანიუსის“ გადაცემა „დღის ნიუსრუმში“ განაცხადა, „ლელო“ უზრუნველყოფს, რომ ამომრჩევლის ხმა დაიცვას.

„შეხვედრებზე, რომელიც საბურთალოს ოლქში მაქვს ხოლმე, ყველაზე მთავარი კითხვა არის - „როგორ დაიცავთ ხმებს? უზრუნველყავით ხმების დაცვა“. ადამიანებს გადაწყვეტილება მიღებული აქვთ და მათ აწუხებთ ის, მოვახერხებთ თუ არა, რომ ჩვენ დავიცვათ მათი ხმები. ჩემი პასუხი არის ერთადერთი - ჩვენი თითოეული ამომრჩევლის ხმა იქნება დაცული. არ უნდა იყოს მოსახლეობაში განცდა, რომ შესაძლებელია მათ ხმები ვინმემ მოიპაროს“,- განაცხადა ჯაფარიძემ.

მისივე თქმით, მიუხედავად „ლელოს“ მხარდამჭერების მიმართ პროვოკაციებისა, პარტია საარჩევნო კამპანიას მშვიდად განაგრძობს.

„როგორც ჩანს, სამწუხაროდ, ხელისუფლების მიერ მართული ძალები გააგრძელებენ მცდელობას ჩვენი პროვოცირების, მაგრამ ეს პირიქით, გვმატებს ძალას. ჩვენს მხარდამჭერებს მინდა ვუთხრა, რომ ვაგრძელებთ ჩვენს კამპანიას ძალიან მშვიდად. მთავარია ადამიანებმა ირწმუნონ, რომ მათ ხმას აქვს გადამწყვეტი მნიშვნელობა და არ შეეშინდეთ“,- განაცხადა ჯაფარიძემ.

რაც შეეხება საბურთალოს მაჟორიტარულ ოლქში ბადრი ჯაფარიძის შანსებს, როგორც ის აღნიშნავს, მისი კანდიდატურის მიმართ პოზიტიური დამოკიდებულებაა.

„ვგეგმავ, რომ პირველივე ტურში მოვახერხოთ გამარჯვების მიღწევა. ამის საფუძველს მაძლევს ის შეხვედრები, რომელის მაქვს ყოველდღიურად და ადამიანების მზაობა, ზოგჯერ კატეგორიული მოთხოვნაც კი - „გაისტუმრეთ ხელისუფლება“,- განაცხადა ბადრი ჯაფარიძემ.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
მსოფლიო 2021 წლის ინტელექტუალური საკუთრების დღეს სლოგანით  - „ინტელექტუალური საკუთრება და მცირე და საშუალო საწარმოები: თქვენი იდეების კომერციალიზაცია“ აღნიშნავს
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა