საფრანგეთის ფინანსთა მინისტრს, ბრუნო ლე მერს კორონავირუსი დაუდასტურდა, - ამის შესახებ მინისტრმა სოციალურ ქსელ „ტვიტერში“ დაწერა.
„კორონავირუსი დამიდასტურდა. მაშინვე მივყევი მთავრობის მიერ დაწესებულ წესებს და თვითიზოლაციაში გადავედი,“- წერს ბრუნო ლე მერი.
მისივე თქმით, თვითიზოლაციაში 7 დღის განმავლობაში დარჩება.
ცნობისათვის, პარასკევს საფრანგეთში კორონავირუსის 13 215 ახალი შემთხვევა დადასტურდა, რაც, პანდემიის დაწყების დროიდან, რეკორდულად მაღალი დღიური მაჩვენებელია ქვეყნისთვის.