„თავისუფალი საქართველო“ - იაფი მედიკამენტების პროგრამა კვლავ მონოპოლიების თავდასხმის სამიზნეა

„თავისუფალი საქართველოს“ იაფი მედიკამენტების პროგრამა კვლავ მონოპოლიების თავდასხმის სამიზნეა“, - ამის შესახებ „თავისუფალი საქართველოს“ განცხადებაშია აღნიშნული.

როგორც „ინტერპრესნიუსს“ პარტიიდან აცნობეს, „თავისუფალმა საქართველომ“ ტელევიზიებს მიაწოდა უფასო პოლიტიკური რეკლამა, რისი ეთერში განთავსების ვალდებულებასაც მაუწყებლებს კანონი აკისრებს, თუმცა, მათ ეთერში არ განათავსეს.

„ თავისუფალი საქართველოს“ წინასაარჩევნო კამპანიის ერთ-ერთ ცენტრალურ საკითხს წარმოადგენს პარტიის მიერ წარმოებული პროგრამა - იაფი მედიკამენტები, საქართველოს ყველა მოქალაქეს საშუალებას აძლევს, მცირე მეწარმეების დახმარებით შეიძინოს 70-80%-ით იაფ ფასში ხარისხიანი მედიკამენტები თურქეთსა და მეზობელ სახელმწიფოებში.

სწორედ აღნიშნულ პროგრამაზე მოქალაქეების ინფორმირების მიზნით, „თავისუფალმა საქართველომ“ დაამზადა და ტელევიზიებს მიაწოდა უფასო პოლიტიკური რეკლამა, რისი ეთერში განთავსების ვალდებულებას მაუწყებლებს კანონი აკისრებს. თუმცა, როგორც საზოგადოება შეამჩნევდა, ცენტრალური ტელევიზიების ეთერებით წინასაარჩევნოდ გადაიცემა პრაქტიკულად ყველა კვალიფიციური სუბიექტის რგოლი, გარდა „თავისუფალი საქართველოსი“.

ამის მიზეზი, სრულიად გაუგებარი და ყოველგვარ კანონიერ საფუძველს მოკლებული მითითებებია, რომლებსაც მედიასაშუალებები იღებენ მარეგულირებელი კომისიიდან და სხვა უწყებებიდან, თითქოს ამ რგოლის ეთერში განთავსება გამოიწვევს მათ დაჯარიმებას და სხვა სანქციებს. რეალურად კი საქმე გვაქვს ხელისუფლების და სააფთიაქო მონოპოლიების მცდელობასთან, ხელოვნურად შეაფერხონ „თავისუფალი საქართველოს“ წინასაარჩევნო კამპანია და შეუზღუდონ პარტიას კანონით მონიჭებული უფლება, მიაწოდოს მოსახლეობას ინფორმაცია პარტიის საქმიანობის და პროგრამის შესახებ.

მათივე ინფორმაციით, იაფი მედიკამენტების პროგრამა პირველად არ გამხდარა მონოპოლიების მხრიდან თავდასხმის და უსაფუძვლო ბრალდებების სამიზნე: მცირე ხნის წინ ერთ-ერთმა არასამთავრობო ორგანიზაციამ „თავისუფალ საქართველოს“ ამომრჩევლის მოსყიდვაში დასდო ბრალი, ხოლო ახლა პარტიას საარჩევნო რეკლამის განთავსების უფლებაც კი შეუზღუდეს.

„თავისუფალმა საქართველომ“ აღნიშნულ საკითხზე უკვე მიმართა საჩივრით კომუნიკაციების ეროვნულ კომისიას და მოითხოვა სამართლებრივად დასაბუთებული განმარტება პარტიის ვიდეორგოლის ეთერიდან მოხსნის შესახებ“,-ნათქვამია გავრცელებულ ინფორმაციაში.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე