ნინო ბურჯანაძე - შემიძლია გადავდგა კონკრეტული ნაბიჯები, რომ პირველ ეტაპზე, საქართველოს ტერიტორიაზე უკანონო ბორდერიზაცია  შეჩერდეს

სამარცხვინოა, როდესაც შეხვედრებზე პრემიერ-მინისტრი უკანონო ბორდერიზაციას საერთოდ არ ახსენებს, ვითომ ეს ტერიტორია არ იყოს ჩვენი ნაწილი, - ამის შესეხებ „ერთიანი საქართველოს“ ლიდერმა ნინო ბურჯანაძემ ბრიფინგზე განაცხადა, როდესაც ნიქოზში რუსი ოკუპანტების მხრიდან განხორციელებულ უკანონო ბორდერიზაციაზე ისაუბრა.

როგორც ნინო ბურჯანაძემ განაცხადა, უკანონო ბორდერიზაციაზე საქართველოს ხელისუფლების რეაგირება მინიმუმი იყო, როდესაც ითქვა, რომ ამ საკითხთან მიმართებით ამოქმედდა ცხელი ხზაზი, ინფორმირებულია ჟენევის დისკუსიების თანათავმჯდომარეები და ევროკვშირის სადამკვირვებლო მისია.

„ჩვენ გვავიწყდება, რომ ინვესტიცია, ეკონომიკის განითარება და ზოგადად ქვეყანაში, მშვიდობა და უსაფრთხოებაც სწორედ იმაზეა დამოკიდებული, რომ კონფლიქტების ზონაში მინიმუმ არ იყოს ახალი გართულებები. შემდგომი ეტაპია ის, რომ ეს პრობლემა მოგვარდეს. სრული პასუხისმგებლობით შემიძლია ვთქვა, რომ მხოლოდ მე და ჩემი თანაგუნდელები ვართ ის ძალა, რომლებიც ერთ-ერთ მთავარ პრიორიტეტად ვაყენებთ სწორედ უკანონო ბორდერიზაციის შეჩერებას, ჩვენი ქვეყნის გამთლიანებას და პარალელურ რეჟიმში ქვეყნის ეკონომიკაზე ზრუნვას. მხოლოდ მე შემიძლია, რომ ეს პრობლემა შევაჩერო, მხოლოდ მე მაქვს ძალა და გამოცდილება მესმოდეს, რომ ეს არ არის მეორეხარისხოვანი პრობლემა. ასევე შემიძლია გადავდგა კონკრეტული ნაბიჯები, პირველ ეტაპზე, საქართველოს ტერიტორიაზე უკანონო ბორდერიზაცია შეჩერდეს და შემდგომ ეტაპებზე ყველაფერი გაკეთდეს იმისთვის, რომ მავთულხლართები ქვეყნის ტერირტორიიდან აღებული იყოს. მე, ვპირდები საქართველოს მოსახლეობას, როგორც ყოველთვის იყო ჩემთვის მთავარი პრიორიტეტი არამარტო ეკონომიკური განვითარება, არამედ დიახ, ტერიტორიული პრობლემების მოგვარება, .ყოველთვის იქნება ჩემი მთავარი პირორიტეტი აღნიშნული საკითხები. არასდროს შემოვიფარგლები იმით, რომ გავაგებინო საერთაშორისო საზოგადოებას, რომ პრობლემა თურმე არსებობს, რომ ბორდერიზაცია გააქტიურდა. ამ მიმართულებით ჩვენი ხელისუფლების მოქმედება ნულია, არამარტო ნული, არამედ, როცა 8 წლის განმავლობაში ნულოვანია ხელისუფლების რეაგირება ამაზე, ეს უკვე მინუსებში გადადის. დიახ, ჩვენი ხელისუფლება ამ მიმართულებით არაფრის მაქნისი და არაფრის გამკეთებელია. დიახ, სრული პასუხისმგებლობით ვაცხადებ, რომ ჩემი ძალით და გამოცდილებით მოგვარდება ეს პრობლემა“, - განაცხადა ბუჯანაძემ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს