კორონავირუსის 196 ახალი შემთხვევიდან 128 აჭარაში, 30 თბილისში, 19 კი ქუთაისში გამოვლინდა

თბილისის ინფექციური საავადმყოფოს სამედიცინო დირექტორის მარინა ეზუგბაიას განცხადებით, კორონავირუსის 196 ახალი შემთხვევიდან 128 აჭარაში გამოვლინდა.

მისივე ინფორმაციით, ახალი შემთხვევიდან 30 თბილისში ფიქსირდება.

„გუშინდელი მონაცემებით, ქვეყანაში 3306 დადასტურებული შემთხვევა ფიქსირდება. დაგვემატა 196 ახალი შემთხვევა და დღევანდელი მონაცემებით, გახლავთ სულ 3502 დადასტურებული შემთხვევა.

196 ახალი დადასტრურებული შემთხვევა ასე ნაწილდება: 128 არის აჭარა, 30 - თბილისი, 19-ქუთაისი, 6-სამეგრელო ზემო-სვანეთი, 5 - ქვემო ქართლი, 1-შიდა ქართლი, 4 - გურია, 2- მცხეთა-მთიანეთი და 1 კახეთი“, - განაცხადა ეზუგბაიამ.

მარინა ეზუგბაიას განცხადებით, თბილისში დადასტურებულ შემთხვევებს სხვადასხვა წყაროებს უკავშირდება.

„ერთმნიშვნელოვნად ვერ გეტყვით, მაგრამ მათი ნაწილი ალბათ, არის საკარანტინე სივრცეებიდან, ნაწილს ალბათ მოგზაურობის ისტორია აქვს და მათი კონტაქტებია და ნაწილი ალბათ, ახლად გამოვლენილი შემთხვევებია“, - განაცხადა ეზუგბაიამ.

კითხვაზე, დადასტურებულ შემთხვევებს შორის, რამდენია სამედიცინო პერსონალი, ეზუგბაია აცხადებს, რომ ზუსტი მონაცემები არ აქვს, თუმცა, აღნიშნა, რომ ქვეყანაში სამედიცინო პერსონალის დაინფიცირების მაჩვენებელი სხვა ქვეყნების მონაცემებზე ნაკლებია.

„ჩვენს ქვეყანაში სამედიცინო პერსონალის დაინფიცირების პროცენტი ბევრად ნაკლებია, ვიდრე სხვა ქვეყნებში".

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)