იტალიაში საკონსტიტუციო რეფერენდუმი და რეგიონული არჩევნები ტარდება

20-21 სექტემბერს, იტალიაში საკონსტიტუციო რეფერენდუმი და რეგიონული არჩევნები ტარდება. რეფერენდუმზე მოსახლეობამ პარლამენტში დეპუტატების რაოდენობის შემცირების საკითხი უნდა გადაწყვიტოს. კონკრეტულად კი, იტალიელებმა უნდა უპასუხონ კითხვას, სურთ თუ არა 630-დან პარლამენტარების რიცხვი 400-მდე შემცირდეს ქვედა პალატაში, ხოლო 315-დან 200-მდე შემცირდეს ზედა პალატაში.

ინიციატივის ავტორი მმართველ კოალიციაში შემავალი პარტა „5 ვარსკვლავის მოძრაობაა“, რასაც პარტიების უმეტესობაც უჭერს მხარს.

ცვლილების ინიციატორები აცხადებენ, რომ დეპუტატების რიცხვის შემცირებით დაიზოგება ხარჯები და გაუმჯობესდება საპარლამენტო საქმიანობის პროცესი. ოპონენტების აზრით, კი ამით მინიმალური ხარჯების დაზოგვა მოხდება, ხოლო საკომიტეტო საქმიანობა შეიზღუდება.

მოსალოდნელია, რომ ინიციატივა მოსახლეობის უმრავლესობის მხარდაჭერას მოიპოვებს.

რეფერენდუმი სპეციალური ჯანდაცვითი რეგულაციების თანხლებით მიმდინარეობს. საკონსტიტუციო რეფერენდუმის პარალელურად, იტალიის 7 რეგიონში: ტოსკანაში, კამპანიაში, ლიგურიაში, ვალე-დ’აოსტაში, აპულიაში, მარკესა და ვენეტოში რეგიონული არჩევნები ტარდება. რეგიონების მთავრობებისა და ხელმძღვანელების არჩევნებში იტალიელი ამომრჩევლების 35%-ზე მეტი მონაწილეობს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით
სუპერმარკეტების ქსელ „მაგნიტის“ წამახალისებელ გათამაშებაში ერთ-ერთი სუპერ პრიზი გათამაშდა