ზაალ უდუმაშვილი - მოვითხოვთ, ახალციხეში ენმ-ის წევრებს დაუყოვნებლივ დაატოვებინონ კარანტინი

მოვითხოვთ ახალციხეში ენმ-ის წევრებს კარანტინი დაუყოვნებლივ დაატოვებინონ, - ამის შესახებ „ნაციონალური მოძრაობის“ ერთ-ერთმა ლიდერმა, ზაალ უდუმაშვილმა დღევანდელ ბრიფინგზე განაცხადა.

უდუმაშვილმა განმარტა, რომ მათი პარტიის 2 წევრი კარანტინში გაუფრთხილებლად გადაიყვანეს.

„ქართული ოცნება“ პანდემიას საკუთარი მიზნებისთვის იყენებს, მაგრამ ახლა უკვე ხელისუფლება პოლიტიკური ოპონენტების იზოლაციაზე გადავიდა, რასაც ახალციხეში მომხდარი ფაქტი ადასტურებს. გუშინწინ ენმ-ს ახალციხის რაიონული ორგანიზაციის თავმჯდომარე დავით დვალიშვილი და ჩვენი პარტიის აქტიური წევრი გელა დემეტრაძე თვითიზოლაციიდან გაუფრთხილებლად გადაიყვანეს საკარანტინე სივრცეში. გუშინ მათ ჩაუტარდათ ტესტები, რამაც დაადასტურა, რომ არც ერთ ჩვენს თანაგუნდელს არ აქვს კორონავირუსი და მიუხედავად ამისა ისინი რჩებიან კარანტინში და მათ არ აძლევენ კარანტინის დატოვების საშუალებას 25 სექტემბრამდე. ეს პირდაპირ ნიშნავს იმას, რომ ხელისუფლებამ გადაწყვიტა, რომ პოლიტიკური პროცესებიდან გამოთიშოს ჩვენი პარტიის აქტიური წევრები ახალციხეში, მხოლოდ იმ მოტივით, რომ ისინი ხვდებიან, რომ „ნაციონალური მოძრაობა“ რაიონში დამაჯერებლად იგებს“, - განაცხადა უდუმაშვილმა.

ზაალ უდუმაშვილის თქმით, სამწუხაროა, რომ „ქართულ ოცნებას“ ამ პროცესში ჩართული ჰყავთ ექიმები და მედიკოსები, რომლებმაც ხელი მოაწერეს იმას, რომ მათი პარტიის წევრები კარანტინში გადასულიყვნენ.

„საქართველოში, რომ შერჩევითი სამართალია კორონავირუსთან დაკავშირებით, ამას ადასტურებს ის ფაქტიც, რომ „ქართული ოცნების“ ახალციხის საკრებულოს წევრი სამვენ ოვეიანი, რომელიც კონტაქტში იყო კოვიდინფიცირებულთან, დღემდე არის თვითიზოლაციაში და არ გადაუყვანიათ კარანტინში. ჩვენ მოვითხოვთ, დაუყოვნებლივ დაატოვებინონ საკარანტინე სივრცე ჩვენი პარტიის წევრებს, წინააღმდეგ შემთხვევაში ეს აღიქმება, როგორც თავისუფლების უკანონო აღკვეთის ფაქტი“, - განაცხადა ზაალ უდუმაშვილმა.

იხილეთ ვიდეო:ზაალ უდუმაშვილი - მოვითხოვთ, ახალციხეში ენმ-ის წევრებს დაუყოვნებლივ დაატოვებინონ კარანტინი

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 21.04.2021
ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
დედამიწის დღე 2021: დედამიწის ეკოლოგიური მდგომარეობის აღდგენის უპრეცედენტო შესაძლებლობა
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა