ექვსთვიანი პაუზის შემდეგ ინდოეთში ცნობილი თაჯ-მაჰალის ტაძარი დამთვალიერებლებისთვის გაიხსნა. BBC-ის ცნობით, არსებობის მანძილზე ტაძარი ყველაზე ხანგრძლივად იყო დაკეტილი. ამჟამად თაჯ-მაჰალში დღეში 5 000-მდე ვიზიტორი დაიშვება. პანდემიამდე, მსოფლიოს ეს უდიდესი ღირსშესანიშნაობა დღეში საშუალოდ 70 000 ადამიანს მასპინძლობდა.
ტაძრის ტერიტორიაზე სპეციალური ჯანდაცვითი რეგულაციები იმოქმედებს - სავალდებულოა თერმოსკრინინგი, ხოლო ბილეთების შეძენა ელექტრონული ანგარიშსწორების მეთოდით მოხდება. ასევე, აუცილებელია სოციალური დისტანციის დაცვაც.
ტაძრის ტერიტორიაზე დაშვებულია სელფების გადაღება, თუმცა ჯგუფური ფოტოები არ დაიშვება. კორონავირუსის ეპიდემიის გავრცელების გამო, თაჯ-მაჰალი მარტში დაიხურა. ტაძრის გახსნას ხელისუფლება ივლისში აპირებდა, თუმცა ვირუსის სწრაფად გავრცელების გამო გადაიფიქრა.
იხილეთ ვიდეო: ინდოეთში საცხოვრებელი სახლის ჩამონგრევის შედეგად მინიმუმ 10 ადამიანი გარდაიცვალა