მამუკა ტუსკაძე - ნომრების გვიან მონიჭებით უკმაყოფილო ვარ, თუმცა მჯერა, „34“ „სოციალური სამართლიანობისთვის“ წარმატების მომტანი იქნება

ნომერს არ აქვს გადამწყვეტი მნიშვნელობა, თუმცა დარწმუნებული ვარ,“34" ჩვენთვის წარმატების მომტანი იქნება, - ასე ეხმაურება პოლიტიკური მოძრაობა "სოციალური სამართლიანობის" ლიდერი მამუკა ტუსკაძე ცესკოს მიერ საარჩევნო სუბიექტებისთვის ნომრების მინიჭებას.

როგორც ტუსკაძე აცხადებს, ცესკომ აღნიშნული პროცესი ძალიან დააგვიანა, რითაც პოლიტიკური პარტიები ერთგვარ არათანაბარ პირობებში აღმოჩნდნენ.

მისივე განმარტებით, საარჩევნო ნომრის მინიჭება არჩევნებამდე 42 დღით ადრე ძალიან დაგვიანებულია.

„უკმაყოფილო ვართ საარჩევნო ნომრების მონიჭების ვადით. ვფიქრობ, რომ ძალიან დაგვიანდა ეს პროცესი. უმჯობესი იქნებოდა, საარჩევნო კამპანიის დროს ამომრჩევლისთვის ჩვენი ნომრის შეთავაზება უფრო ადრე შეგვძლებოდა. პარტიების რეგისტრაციის შემდეგ ცესკოს უკვე შეეძლო მოენიჭებინა ნომრები. 19 სექტემბერს არა პარტიების, არამედ ბლოკების რეგისტრაციის ვადა ამოიწურა. შესაბამისად, შეიძლებოდა, რომ ყველა პარტიას, ვინც უკვე დარეგისტრირებული იყო საარჩევნო სუბიექტად ჰქონოდა ნომერი, ხოლო თუკი შემდეგ ვინმე ბლოკში გაერთიანდებოდა, მასში შემავალი პარტიები თავად გადაწყვეტდნენ თავიანთი ნომრებიდან რომელი დაეტოვებინათ უკვე ბლოკის ნომრად. სწორედ ასე მოხდა 2016 წლის არჩევნებზე და მაშინ ცესკომ სპეციალური ნორმატიული აქტის საფუძველზე ბლოკების დარეგისტრირების ვადის ამოწურვამდე მიანიჭა პარტიებს ნომრები. ამის განხორციელება წელსაც შეიძლებოდა და ჩვენ სწორედ ამას ვითხოვდით.

რაც შეეხება თავად ნომერს, რიცხვს გადამწყვეტი მნიშვნელობა არ აქვს, თუმცა დარწმუნებული ვარ, 34 ჩვენთვის წარმატებული იქნება და შევძლებთ იმ პროგრამა მინიმუმის განხორციელებას, რასაც წლევანდელ არჩევნებზე ვგეგმავთ. კერძოდ, ჩვენი მინიმალური მიზანია საპარლამენტოთა კვალიფიციური პარტია გავხდეთ. ქართულ პოლიტიკაში საკმაოდ გრძელვადიანი და ხანგრძლივი გეგმები გვაქვს და ყოველივე ეს დაგვეხმარება ამ გეგმების შესრულებაში, კერძოდ სოციალური სამართლიანობის დამკვიდრებაში, რათა ყველა მოქალაქემ თანაბარ პირობებში იგრძნოს თავი. ჩვენ უკვე რამდენიმე თვეა აქტიურად ვმუშაობთ ყველა იმ მიმართულებით, რაც საჭიროა საარჩევნო კამპანიის ნორმალურად ჩასატარებლად. ამისთვის გვაქვს მცირე, მაგრამ საკმარისი დაფინანსება. ესაა ადგილობრივი დაფინანსება. ასე რომ საარჩევნო კამპანიაში ახლა მხოლოდ ის შეიცვლება, რომ მას ნომერთან ერთად ჩავატარებთ. გვსურს, მოქალაქეებს სოციალური სამართლიანობა შევთავაზოთ, როგორც იდეოლოგია. ვაპირებთ, ამომრჩევლამდე მივიტანოთ მესიჯები, რომ კომპრომატებით ბრძოლის ეტაპმა გაიარა და რომ აუცილებელია სოციალური სამართლიანობის დამკვიდრება. დარწმუნებული ვარ, ჩვენი კამპანია წარმატებული იქნება და ახალი პოლიტიკური მოძრაობა "სოციალური სამართლიანობისთვის" შეძლებს საზოგადოებას სწორად მიაწოდოს თავის მთავარი სათქმელი, რაც უპირველესად ეკონომიკურ წინსვლასა და განვითარებას უკავშირდება”, - განაცხადა მამუკა ტუსკაძემ.

მამუკა ტუსკაძის კომენტარს პოლიტიკური მოძრაობა "სოციალური სამართლიანობის" პრესსამსახური ავრცელებს.

ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
ქართული პრესის მიმოხილვა 19.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება