საქართველოს პრეზიდენტი სალომე ზურაბიშვილი დღეს, მსოფლიო ლიდერებთან ერთად, გაერო-ს დაარსებიდან 75-ე წლისთავის აღსანიშნავად გამართულ მაღალი დონის შეხვედრაში მიიღებს მონაწილეობას.

როგორც "ინტერპრესნიუსს" პრეზიდენტის ადმინისტრაციიდან აცნობეს, ღონისძიება პანდემიის გამო ვირტუალურად ტარდება.

მათივე ცნობით, ღონისძიება საქართველოს დროით, 17:00 საათზე დაიწყება და საქართველოს პრეზიდენტის მიმართვა გაერო-ს წევრი სახელმწიფოების ლიდერებისა და საზოგადოებადმი ვიდეომიმართვის რეჟიმში გადაიცემა.