რატი იონათამიშვილი - ოპოზიციას დაკარგული აქვს სახე და ისინი ხვდებიან, რომ მათი დრო პოლიტიკაში დათვლილია

ოპოზიციას დაკარგული აქვს სახე და ისინი ხვდებიან, რომ მათი დრო პოლიტიკაში დათვლილია, - ამის შესახებ ფრაქცია „ქართული ოცნების“ თავმჯდომარე რატი იონათამიშვილმა ჟურნალისტებთან ipsos- ის კვლევების კომენტირებისას განაცხადა.

დეპუტატი მიიჩნევს, რომ „ნაციონალური მოძრაობა“ კვლევების გაყალბებითაა დაკავებული და რეალურად „ქართული ოცნების" რეიტინგი 60 პროცენტის ფარგლებშია.

„ნაციონალური მოძრაობა" ხელისუფლებაში არჩევნებს აყალბებდა, დღეს ისინი ყოველი არჩევნების წინ აყალბებენ კვლევებს და ამას შიგნიდანაც ამბობენ თვითონ. 2016 წლის კვლევებთან დაკავშირებით თქვენ ნახეთ მათი განცხადებები. რა მანიპულაციაც არ უნდა სცადონ ციფრებზე, ფაქტია, მაინც ვერ მალავენ რომ „ქართული ოცნება" დამაჯერებლად არის უპირატესობაში, ჩვენ 60 პროცენტის ფარგლებში გვაქვს მხარდაჭერა. ეს არის ძალიან დიდი პასუხისმგებლობა ჩვენთვის.

ჩვენ ვხედავთ, რომ ოპოზიციას დაკარგული აქვს სახე და ისინი ხვდებიან, რომ დათვლილია მათი დრო პოლიტიკაში, დღითიდღე მათი შერჩენილი პროცენტებიც უფასურდება. რაც შეეხება გადაუწყვეტელ ამომრჩეველს, ასეთი კატეგორია, როგორც წესი უფრო მეტად მმართველი გუნდის მხარეს იხრება ხოლმე,"- განაცხადა იონათამიშვილმა.

ცნობისათვის, IPSOS-ის კვლევის შედეგების თანახმად, გამოკითხული მოსახლეობის 25 % „ქართულ ოცნებას“ მისცემდა ხმას, „ნაცონალურ მოძრაობას“ - 15,5 %, „ევროპულ საქართველოს“ - 5 %.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე