„სტრატეგია აღმაშენებელის“ ლიდერი გიორგი ვაშაძე ქუთაისში ერთ-ერთ მნიშვნელოვან პროექტად მიკრო სქემებისა და ჩიპების წარმოებას მოიაზრებს.
გიორგი ვაშაძის განცხადებით, ქუთაისი სულ მალე IT ქალაქი გახდება, რაც ახალგაზრდა თაობას მისცემს დასაქმების სრულიად სხვა შესაძლებლობებს.
„ქუთაისი IT ქალაქი უნდა გახდეს. უნდა დაიწყოს მიკრო სქემების და ჩიპების წარმოება, რაც თანამედროვე განვითარებისთვის ძალიან დიდ შესაძლებლობას შექმნის. ჩვენთვის ძალიან ბევრ ცნობილ IT კომპანიებთან ერთად დავიწყებთ წარმოებას, რომელიც ახალგაზრდა თაობას მისცემს დასაქმების სრულიად სხვა შესაძლებლობას. ქუთაისი - IT ქალაქი - ნიშნავს იმ თანამედროვე პროდუქტების წარმოებას, რომელიც საბოლოო ჯამში საქართველოს მისცემს შესაძლებლობას რეგიონის ტექნოლოგიური ქვეყანა გახდეს. Microsoft-ი, IPM-ი, FACEBOOK-ი, Google-ი და ა.შ. მათი რეგიონალური ოფისები უნდა იყოს საქართველოში. მე პირობას გაძლევთ, რომ „სტრატეგია აღმაშენებლის“ გუნდის მხარდაჭერა ნიშნავს, რომ ჩვენ ვიქნებით ტექნოლოგიური განვითარების ავანგარდში. ქუთაისი IT ქალაქის სტატუს დაიმკვიდრებს“, - განაცხადა გიორგი ვაშაძემ.
აღნიშნულ კომენტარს „სტრატეგია აღმაშენებლის“ პრესსამსახური ავრცელებს.