ინდოეთში, მაჰარაშტრას შტატში, საცხოვრებელი სახლის ჩამონგრევის შედეგად გარდაცვლილთა რიცხვი 13-მდე გაიზარდა, მათ შორის 7 ბავშვია.

მედიის ინფორმაციით, მაშველებმა ნანგრევებიდან ცოცხლად გადარჩენილი 30-ზე მეტი ადამიანი გამოიყვანეს, მათ შორის 4 წლის ბავშვიც არის.

ადგილობრივმა პოლიციამ აღნიშნა, რომ ნანგრევებში აღარავინ არის დარჩენილი და დამატებით ცხედრების პოვნის შესაძლებლობაც გამორიცხა.

გავრცელებული ინფორმაციით, შენობა 40 წლის წინ აშენდა და მისი შეკეთება იყო დაგეგმილი, თუმცა კორონავირუსის პანდემიის გამო ვერ განხორციელდა.