დიმიტრი ცქიტიშვილი - არანაირი სურვილი არ მაქვს,  კვლავ ვიხილო  ხელისუფლებაში მობრუნებული მიხეილ სააკაშვილი

არანაირი სურვილი არ მაქვს, კვლავ ვიხილო ხელისუფლებაში მობრუნებული მიხეილ სააკაშვილი, - ამის შესახებ დამოუკიდებელმა დეპუტატმა, დიმიტრი ცქიტიშვილმა ჟურნალისტებთან განაცხადა, რითაც უპასუხა შეკითხვას, „ევროპული საქართველოს" გადაწყვეტილების თაობაზე, რომ მიხეილ სააკაშვილს პრემიერ- მინისტრის პოსტზე მხარს არ დაუჭერენ.

როგორც ცქიტიშვილი განმარტავს, სურვილის მიუხედავად, მეორე საკითხია კოალიციის ფარგლებში თანამშრომლობა, რომელიც რეალურად, არა ვინმეს სურვილზე, არამედ არჩევნების შემდგომ კონფიგურაციაზე იქნება დამოკიდებული.

„მე იმედი მაქვს, რომ მიხეილ სააკაშვილს ქვეყნის პოლიტიკურ ხელმძღვანელობაში დაბრუნების არანაირი შანსი არ აქვს, თუმცა, მეორე საკითხია, რომ ვინ ვისთან ითამაშრომლებს, გამომდინარეობს არა იქიდან, თუ ვის ვისთან სურს თანამშრომლობა, არამედ იმ პოლიტიკური კონფიგურაციიდან, რომელიც დალაგდება საარჩევნო პროცესების დასრულების შემდეგ. ბევრ ქვეყანაში არის კოალიციები, რომელიც არათუ პარტნიორებს შორის და სურვილით შექმნილი კოალიციებია, არამედ არის იძულებითი მდგომარებიდან გამომდინარე ჩამოყალიბებული კოალიცია. ამიტომ წინსწრებით ამაზე საუბარი არის სპეკულაცია ყველას მხრიდან ვინც ამას წინასწარ ამბობს.

რაც შეეხება მიხეილ სააკაშვილს, მე ვერ დავინახე ვერც ერთხელ მის განცხადებებში, რომ მან თავის შეცდომები და დანაშაულები გადაიაზრა და სხვანაირად უყურებს პროცესებს. ის ამაყობს იმით, რაც გააფუჭა, რაღაცებიც გააკეთა, მაგრამ ის არ გამოაცალკევებს იმ დანაშაულებს, რაც მისი მმართველობის პერიოდში მოხდა,"- განაცხადა დიმიტრი ცქიტიშვილმა.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა