23-28 სექტემბერს, ზუგდიდის აბონენტების ნაწილს ელექტროენერგიის მიწოდება დროებით შეეზღუდება

მენჯი-ზუგდიდის დამაკავშირებელ, 220 კვ-იან ელექტროგადამცემ ხაზ „კოლხიდა-2“- ზე მიმდინარე სარეკონსტრუქციო სამუშაოების უსაფრთხოდ წარმოების მიზნით, 23-28 სექტემბრის პერიოდში, ქალაქ ზუგდიდის აბონენტების ნაწილს ელექტროენერგიის მიწოდება შეეზღუდება. ამის შესახებ ინფორმაციას „საქართველოს სახელმწიფო ელექტროსისტემა“ ავრცელებს.

მათივე ცნობით, ელექტროენერგია შეიზღუდება: 23 სექტემბერს 11:00-დან 14:00 საათამდე; 24 სექტემბერს 13:00-დან 18:00 საათამდე; 25 სექტემბერს 12:00-დან 15:00 საათამდე, ხოლო 26, 27 და 28 სექტემბერს 10:00-დან 18:00 საათამდე დროის შუალედებში. ჯამში, ელექტროენერგია შეეზღუდება ქალაქ ზუგდიდის 2418 აბონენტს.

„საქართველოს სახელმწიფო ელექტროსისტემა“ ბოდიშს უხდის მომხმარებლებს აღნიშნული შეფერხების გამო.

ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ქართული პრესის მიმოხილვა 12.04.2021
ევროპული მედიაცია ქართულ პოლიტიკურ კრიზისში: რას (ვერ) ჩავწვდით?
კახა ოქრიაშვილი - 15 მაისის აქციის სამზადისში აქტიურად ვარ ჩართული