რატი იონათამიშვილი - „ევროპული საქართველოს“ წევრები მალე საერთოდ პოლიტიკიდან გაიქცევიან

ფრაქცია "ქართული ოცნების" თავმჯდომარის, რატი იონათამიშვილის განცხადებით, სჯობს, "ევროპულმა საქართველომ" მიზეზი საკუთარ თავში ეძებოს, თუ რატომ ტოვებს სხდომებს და არ მონაწილეობს თუნდაც უწყებათაშორისი კომისიის შეხვედრებში.

როგორც მან ჟურნალისტებს განუცხადა, შესაძლოა, ისინი მალე პოლიტიკიდანაც გაიქცნენ.

"საზოგადოება კარგად ხედავს, რომ ამ პოლიტიკური პარტიის წევრები ხან საპარლამენტო კომიტეტებს ტოვებენ, ხან სასესიო სხდომებს და სხდომათა დარბაზიდან გარბიან. ახლა განაცხადეს, რომ უწყებათაშორის კომისიასაც ტოვებენ. ვფიქრობ, მათთვის უკეთესი იქნება, რომ ამის მიზეზები საკუთარ თავში ეძებონ, იქნებ თვითონ ვერ ართმევენ თავს ვერც ერთ ფორმატში და ვერც ერთ დონეზე იმ ვალდებულებებს, რომელიც გააჩნიათ და ეს არის იმის მიზეზი, რომ ყველა სივრციდან გარბიან, სადაც კი შეიძლება მათ ან ნებისმიერმა გაერთიანებამ საკუთარი წვლილი შეიტანოს. როგორც ჩანს, ეს დინამიკა გაგრძელდება და მალე ისინი საერთოდ პოლიტიკიდანაც გაიქცევიან", - განაცხადა იონათამიშვილმა.

ცნობისთვის, "ევროპული საქართველოს" შტაბის უფროსის სერგი კაპანაძის განცხადებით, პარტია უწყებათაშორისი კომისიის შეხვედრებში მონაწილეობას აღარ მიიღებს.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 19.04.2021
ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
დედამიწის დღე 2021: დედამიწის ეკოლოგიური მდგომარეობის აღდგენის უპრეცედენტო შესაძლებლობა
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა