თამარ კეკენაძე - პრინციპულად მნიშვნელოვანია, რაც შეიძლება მეტი ჩვენი პარტნიორი დააკვირდეს არჩევნებს

პოლიტიკური პარტია ,,თავისუფალი დემოკრატები" მიესალმება საერთაშორისო რესპულიკური ინსტიტუტის (IRI) გადაწყვეტილებას, საქართველოში 2020 წლის საპარლამენტო არჩევნების შეფასების გუნდის ჩამოსვლასთან დაკავშირებით.

„თავისუფალი დემოკრატების" თავმჯდომარის, თამარ კეკენაძის განმარტებით, იმ რეალობაში, როდესაც რუსეთის მხრიდან არის მოლოდინი, რომ ზეწოლა და არჩევნების პროცესში ჩარევის სურვილი კიდევ უფრო გაიზრდება, ხელისუფლების მხრიდან კი გამოყენებული იქნება ადმინისტრაციული და ყველა სხვა ხელთარსებული რესურსი, პრინციპულად მნიშვნელოვანია, რაც შეიძლება მეტი პარტნიორი დააკვირდეს არჩევნებს.

„მინდა თავისუფალი დემოკრატების გუნდის სახელით გამოვხატო მადლიერება ჩვენი პარტნიორებისადმი, რომ მიუხედავად კოვიდ -19 -ის გამოწვევისა, ისინი მზად არიან დააკვირდნენ საარჩევნო პროცესს და ხელი შეუწყონ გამჭვირვალე და დემოკრატიული არჩევნების ჩატარებას. იმ რეალობაში, როდესაც ველოდებით რუსეთის მხრიდან ზეწოლის გაზრდას და არჩევნებში ჩარევას, ხოლო პარალელურად ხელისუფლების მხრიდან როგორც ადმინისტრაციული, ასევე მათ ხელთ არსებული ყველა ბერკეტის გამოყენებას, პრინციპულად მნიშვნელოვანია, რაც შეიძლება მეტი ჩვენი პარტნიორი დააკვირდეს არჩევნებს და ჩვენს მოქალაქეებს გაუჩინოს რწმენა, რომ მათი არჩევანი იქნება დაცული" , - ნათქვამია თამარ კეკენაძის განცხადებაში.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 12.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით