მგონი, ამდენ საუბარს, სჯობს ჩამოვიდეს,- ასე ეხმიანება საპარლამენტო უმრავლესობის წევრი გურამ მაჭარაშვილი ჟურნალისტებთან მიხეილ სააკაშვილის განცხადებებს.
მისი თქმით, მისი განცხადებები აზიანებს ასევე იმ ქვეყნის იმიჯსაც, რომლის მოქალაქეც არის.
"სააკაშვილის ფანტაზიებს რომ არ აქვს საზღვარი, ეს საყოველთაოდ ცნობილია. უკვე მისივე პარტიელებმა თუ ყოფილმა პარტიელებმა, როგორც გნებავთ ისე დავარქვათ, უარყვეს მისი კანდიდატად განხილვა. ეს ადამიანი ახლა უკვე არა მხოლოდ საქართველოს, არამედ იმ ქვეყნის პრესტიჟსაც კი აზიანებს, რომლის მოქალაქეც არის. სამწუხაროდ, ეს ადამიანი იყო ჩვენი ქვეყნის პრეზიდენტი და ის ვერ ითავისებს იმას, რომ გაცილებით დიდია მოწინააღმდეგეთა რიგი, ვიდრე მისი პოლიტიკაში დაბრუნების მხარდამჭერთა რიგი . მოუწევს რომ გაითავისოს,"- განაცხადა მაჭარაშვილმა.