BTU-ს მეწარმეობის ცენტრი საქმიანობის არეალს რეგიონებში აფართოებს

რუსთავის ინოვაციების ჰაბმა პარტნიორებთან ერთად ახალგაზრდული სტარტაპ იდეების კონკურსი - ბიზნეს სტარტერი გამოაცხადა. სტარტაპის იდეა უნდა განხორციელდეს რუსთავში, მაგრამ მონაწილეების საცხოვრებელი ადგილი შეზღუდული არ არის. შესაბამისად, კონკურსში მონაწილეობა ახალგაზრდების საინიციატივო ჯგუფებმა ტერიტორიული შეზღუდვის გარეშე მიიღეს.

BTU-ს ინფორმაციით, პროექტის პირველი ეტაპი, კონკურსი პირველ სექტემბერს დაიწყო და 14 სექტემბერს დასრულდა. ორგანიზატორების განმარტებით, მონაწილეების შერჩევის პროცესში უპირატესობა მიენიჭებათ იდეებს, რომლებიც იქნებიან მდგრადი კოვიდ-19 პანდემიის მსგავს კრიზისულ სიტუაციებში. იდეების შეჯამების შემდეგ გამოვლინდება 10 საუკეთესო ბიზნესი, რომლებიც 2 კვირის განმავლობაში გაივლიან ბიზნესისა და ტექნოლოგიების უნივერსიტეტის მეწარმეობის ცენტრის პრე-აქსელერაციის ეტაპს.

აქსელერატორის ფარგლებში, მონაწილეები გაეცნობიან სტარტაპის იდეიდან მის კომერციალიზაციამდე საჭირო ყველა ეტაპს. თეორიული ნაწილის გარდა პროგრამა მოიაზრებს ვორქშოპებს, რომლის ფარგელბშიც მონაწილეები თავიანთ სტარტაპებს/იდეებს მიუსადაგებენ ლექციის მასალას.

BTU-ს მეწარმეობის ცენტრის პრე-აქსელერაციის პროგრამის ფარგლებში მენტორები იქნებიან:

• გიორგი კინწურაშვილი - საქართველოს ბანკის ციფრული საბანკო ეკოსისტემის სამსახურის უფროსი. სტარტაპ მენტორი და ტრენერი.

• თამთა გველესიანი - ბიზნესისა და ტექნოლოგიების უნივერისტეტის ასოცირებული პროფესორი. პროექტ "სტარტაპი ქართულად" დამფუძნებელი. ბიზნეს აქსელერატორი ‘სპაკრი” მარკეტინგის ექსპერტი.

2 კვირიანი ვორქშოპების ბოლოს იქნება დემო დღე, სადაც მონაწილე სტარტაპები წარსდგებიან პრეზენტაციებით და წარმოაჩენენ დაგროვილ ცოდნას. შედეგად აირჩევა 3 საუკეთესო სტარტაპ იდეა, რომელიც დაფინანსებას მიიღებს. არჩეული იდეებიდან 10 000 ლარამდე ღირებულების იდეები დაფინანსდება 80%-ით, ხოლო 10 000 ლარზე მეტი ღირებულების ბიზნესი 8 000 ლარით.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა