ჩინეთი და ინდოეთი სადავო საზღვარზე ჯარის განლაგების შეჩერებაზე შეთანხმდნენ

ჩინეთი და ინდოეთი სადავო საზღვარზე მეტ კარისკაცებს აღარ განალაგებენ და თავს აარიდებენ ნებისმიერ მოქმედებას, რამაც შესაძლოა, იქ არსებული დაძაბული სიტუაცია გაართულოს. ამის შესახებ ინფორმაციას "ალ ჯაზირა" ავრცელებს.

გამოცემის ცნობით, ორივე ქვეყნის მაღალი რანგის სამხედრო თანამდებობის პირები შეხვდნენ და გაცვალეს იდეები ლადახში მათი სადავო ჰიმალაის საზღვრის შესახებ.

ერთობლივ პრესრელიზში ნათქვამია, რომ მხარეები შეთანხმდნენ "გაუგებრობებისა და მცდარი განსჯების" თავიდან აცილების და "სიტუაციის ცალმხრივად შეცვლის თავიდან არიდების" შესახებ. შეხვედრაზე აღინიშნა ისიც, რომ არც ერთმა მხარემ არ უნდა მიმართოს ცალმხრივ ქმედებას რეგიონში. თუმცა, განცხადებაში არაფერი იყო ნახსენები ჯარების გამოყვანის შესახებ.

10 სექტემბერს ჩინეთისა და ინდოეთის საგარეო საქმეთა მინისტრები ერთმანეთს შეხვდნენ და საზღვრიდან ჯარისკაცების გამოყვანაზე, სათანადო დისტანციის დაცვასა და დაძაბულობის შემსუბუქებაზე შეთანხმდნენ, თუმცა ამისთვის ვადები არ დაუთქვამთ.

შეგახსენებთ, ინდოეთსა და ჩინეთს შორის ურთიერთობა განსაკუთრებით მას შემდეგ დაიძაბა, რაც მიმდინარე წლის ივნისში, ინდოელ და ჩინელ ჯარისკაცებს შორის ჰიმალაის სასაზღვრო რეგიონში მომხდარ შეტაკებას 20 ინდოელი ჯარისკაცის სიცოცხლე ემსხვერპლა. ინციდენტის შემდეგ საზღვრის გასწვრივ ორივე მხარემ დამატებითი ძალები განალაგა.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა