კარაჩის სასამართლომ ტანსაცმლის ქარხანაში 2012 წელს ხანძრის განზრახ გაჩენაში ორი მამაკაცი დაადანაშაულა და სიკვდილით დასჯა მიუსაჯა, - ამის შესახებ ინფორმაციას BBC-ი ავრცელებს.
სასამართლომ დაადგინა, რომ ბრალდებულებმა ქარხანას ცეცხლი მას შემდეგ წაუკიდეს, რაც მისმა მფლობელებმა უარი თქვეს გადაეხადათ თანხა, რომლის გამოძალვასაც მათგან აპირებდნენ.
სასამართლომ ასევე დაადგინა, რომ აღნიშნული პირები პარტია MQM-თან იყვნენ დაკავშირებული, რომელიც იმ დროს ქალაქის ხელისუფლებაში იყო.
შეგახსენებთ, კარაჩის ტანსაცმლის ქარხანაში 2012 წლის 11 სექტემბერს გაჩენილ ხანძარს 260-მდე ადამიანის სიცოცხლე ემსხვერპლა. მომხდარს ორგანიზებული ტერაქტის კვალიფიკაცია მიენიჭა.