ისრაელში გასული დღე-ღამის განმავლობაში, კორონავირუსის 6 861 ახალი შემთხვევა დადასტურდა და ინფიცირებულთა საერთო რაოდენობა 200 041-მდე გაიზარდა, - ამის შესახებ ინფორმაციას CNN-ი ავრცელებს.
ტელეკომპანიის ცნობით, ქვეყანაში კოვიდ 19-ს კიდევ 13 ადამიანის სიცოცხლე ემსხვერპლა და დაღუპულთა რიცხვმა 1 316-ს მიაღწია.
შეგახსენებთ, ისრაელში გასული კვირის პარასკევს საყოველთაო კარანტინი დაწესდა. მედიის ინფორმაციით, მთავრობა, კორონავირუსის გავრცელების შესაჩერებლად, საყოველთაო კარანტინის ფარგლებში დაწესებული შეზღუდვების კიდევ უფრო გამკაცრებას გეგმავს.