ლევან ბოძაშვილი - სააკაშვილს არც მორალური და არც იურიდიული უფლება არ აქვს, რომ რაიმე სახელმწიფო პოლიტიკურ თანამდებობაზე, არათუ პრემიერობაზე ჰქონდეს პრეტენზია

მიმაჩნია, რომ სააკაშვილს არც მორალური და არც იურიდიული უფლება არ აქვს, რომ არათუ პრემიერობაზე, არამედ რაიმე სახელმწიფო პოლიტიკურ თანამდებობაზე ჰქონდეს პრეტენზია,- ასე შეაფასა კონსტიტუციონალისტმა ლევან ბოძაშვილმა გავრცელებული ინფორმაცია იმასთან დაკავშირებით, რომ "ნაციონალურმა მოძრაობამ" "ევროპულ საქართველოს" პრემიერად მიხეილ სააკაშვილის მხარდაჭერის სანაცვლოდ პარლამენტის თავმჯდომარედ დავით ბაქრაძის არჩევა შესთავაზა.

ბოძაშვილის შეფასებით, მსგავსი თემების წამოჭრა, წინასაარჩევნო მანიპულაციები და პიარ გათვლებია, იმისთვის, რომ ამომრჩევლის ყურადღების კონცენტრირება ამ მიმართულებით მოხდეს და სხვა პოლიტიკური პარტიები გამოირიცხონ.

„მე მგონია, რომ ეს არის ხელოვნურად შექმნილი თემები იმისთვის, რომ პოლიტიკური ველის მონოპოლია მოახდინოს ოპოზიციამ. ზოგადად მიმაჩნია, რომ სააკაშვილს არც მორალური და არც იურიდიული უფლება არ აქვს, რომ რაიმე სახელმწიფო პოლიტიკურ თანამდებობაზე, არათუ პრემიერობაზე, ჰქონდეს პრეტენზია, იმიტომ, რომ ვერც პრეზიდენტი, ვერც პარლამენტის თავმჯდომარე და ვერც პრემიერ-მინისტრი ვერ იქნება უცხო ქვეყნის მოქალაქე საქართველოში, პირადად ჩემი ინიციატივით ჩაიწერა ეს მუხლი კონსტიტუციაში თავის დროზე. შესაბამისად, სააკაშვილს აქ იურიდიული უფლება ნამდვილად არ აქვს, ამიტომ მგონია, რომ ეს ყველაფერი არის მანიპულირება კონკრეტულად ამ ორ პარტიას შორის. რამდენად მართალია, არ არის მართალი, ამას უკვე არსებითი მნიშვნელობა არ აქვს, ისინი ცდილობენ პოლიტიკურ ველზე შექმნან იმის იმიტაცია, რომ მხოლოდ ამაზე იყოს საუბარი, გამოირიცხოს სხვა პოლიტიკური პარტიები, აქცენტი იყოს ამაზე გაკეთებული, თითქოს რაიმე პერსპექტივა ჰქონდეს სააკაშვილს. ეს მხოლოდ მგონია პიარ სვლები მათი მხრიდან, იმისთვის, რომ საზოგადოების ყურადღება იყოს ამაზე კონცენტრირებული წინასაარჩევნო პერიოდში,“- განაცხადა ლევან ბოძაშვილმა.

შეგახსენებთ, გავრცელებული ინფორმაციით, "ნაციონალურმა მოძრაობამ" "ევროპულ საქართველოს" არჩევნებზე ერთიანი სიის ფორმირება შესთავაზა. ასევე, არსებული ცნობით, მოლაპარაკებების დროს საუბარი იყო თანამდებობის გადანაწილებაზე, კერძოდ, პრემიერის პოსტზე მხარდაჭერა მიხეილ სააკაშვილს უნდა მიეღო, "ნაციონალური მოძრაობა" კი თავის მხრივ "ევროპული საქართველოს" ლიდერ დავით ბაქრაძეს მხარს პარლამენტის თავმჯდომარის პოსტზე დაუჭერდა.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 16.04.2021
არასტანდარტულ დროში არაკონვენციური გადაწყვეტის როლზე: საქმე ხელშესახები შედეგის მისაღწევად
„ლისი დეველოპმენტისა“ და ჰოლანდიური განვითარების ბანკ - FMO-ს შორის 10-წლიანი წარმატებული თანამშრომლობა დასასრულს მიუახლოვდა
ფინკა ბანკი - ექსკლუზიური პირობები ფერმერებს აგრო სესხებზე
„ხალიკ ბანკი საქართველოს“ გრძელვადიანი რეიტინგის მაჩვენებელი BB დონიდან BB+ დონემდე გაუმჯობესდა
საგაზაფხულო შეთავაზება პროექტისგან “მოედანი“
კრიპტალზე ვიზა და მასტერქარდის გამოყენებით ლარის განაღდება უფასო გახდა
ლიბერთისა და ნიუ ვიჟენის პარტნიორობა - აგრო დაზღვევის ახალი სერვისი ფერმერებისთვის
„ტერასა რეზორთ ბაკურიანის“ განსაკუთრებული შეთავაზება აპარტამენტებზე 30 აპრილამდე გრძელდება
სილქნეტმა ინტერნეტ სიჩქარის ტესტირების ჯილდო მსოფლიოში აღიარებული მონაცემთა ტესტირებისა და ანალიტიკის კომპანია Ookla - ოკლასგან მიიღო