„ქართული ოცნების“ რეალური ალტერნატივა არის „ერთიანი ნაციონალური მოძრაობა -გაერთიანებული ოპოზიცია“, - ამის შესახებ ჟურნალისტებს პარტიის „ერთიანი ნაციონალური მოძრაობა - ძალა ერთობაშია“ გურჯაანის, სიღნაღის, დედოფლისწყაროს და საგარეჯოს მაჟორიტარი დეპუტატობის კანდიდატმა ლევან ბეჟაშვილმა განუცხადა.
მისივე თქმით, დღეს პარტიამ საზოგადოებას ძალიან ძლიერი გუნდი წარუდგინა.
„ჩვენ ვიბრძვით გამარჯვებისათვის. ეს შემადგენლობა იბრძვის გამარჯვებისათვის. ოპოზიციურ ფლანგზე ყველაზე ძლიერი პარტია არის „ერთიანი ნაციონალური მოძრაობა - გაერთიანებული ოპოზიცია“ და მისი მაჟორიტარი კანდიდატები ამიტომ ჩვენ მოვუწოდებთ, ოპოზიციურ ამომრჩეველს, რომ დაუჭირონ ძლიერს მხარი, რათა დავამარცხოთ „ქართული ოცნება“. ჩვენ არ ვიბრძვით მხოლოდ და მხოლოდ პროცენტებისთვის, ვიბრძვით გამარჯვებისთვის. ვინმეს მოსწონს, ეს თუ არ მოსწონს „ქართული ოცნების“ რეალური ალტერნატივა არის „ერთიანი ნაციონალური მოძრაობა -გაერთიანებული ოპოზიცია და ჩვენ სხვა ოპოზიციურ პარტიებთან ერთად, შევძლებთ საერთო კოალიციური ერთობით დავამარცხოთ ბიძინა ივანიშვილი და „ქართული ოცნება“, - განაცხადა ბეჟაშვილმა.
ცნობისთვის, პარტიამ „ერთიანი ნაციონალური მოძრაობა - ძალა ერთობაშია“ პარლამენტის მაჟორიტარი დეპუტატობის კანდიდატები წარადგინა.