ზაალ უდუმაშვილი განმარტავს, რატომ წარადგინა „ნაციონალურმა მოძრაობამ“ მაჟორიტარობის კანდიდატად ნანუკა ჟორჟოლიანი დევი ჭანკოტაძის ნაცვლად

„ნაციონალური მოძრაობის“ ერთ-ერთი ლიდერის, ზაალ უდუმაშვილის განცხადებით, წყალტუბოს, სამტრედიის, ვანისა და ხონის მუნიციპალიტეტებში „ნაციონალური მოძრაობის“ მაჟორიტარობის კანდიდატის შეცვლის გადაწყვეტილება პარტიამ იმის გამო მიიღო, რომ დევი ჭანკოტაძის მხოლოდ ერთ ოლქში წარდგენა არაეფექტური იქნებოდა.

როგორც ზაალ უდუმაშვილმა „ინტერპრესნიუსთან“ საუბრისას განაცხადა, გენერალი დევი ჭანკოტაძე „ნაციონალური მოძრაობის“ საარჩევნო კამპანიაში მთელი საქართველოს მასშტაბით იქნება ჩართული.

„ზოგადად პოლიტიკაში ეს არ არის პირველი შემთხვევა, როდესაც საარჩევნო კამპანიის დროს რაღაც ცვლილებები ხდება. ჩვენ ვითათბირეთ და მივიღეთ გადაწყევეტილება. ჩვენი საერთო აზრით, დევი ჭანკოტაძის ავტორიტეტიდან გამომდინარე, მისი მხოლოდ ერთ ოლქში წარმოდგენა შესაძლოა, ყოფილიყო არაეფექტური, ვიდრე მთელ საქართველოში. ამიტომ, ჩვენ მივიღეთ გადაწყვეტილება, რომ ბატონი დევი მთელი საქართველოს მასშტაბით იქნება საარჩენო კამპანიაში ჩართული და კონკრეტულ ოლქში ნანუკა ჟრჟოლიანისგან მივიღეთ თანხმობა მაჟორიტარობის კანდიდატობაზე“, - განაცხადა ზაალ უდუმაშვილმა.

მისივე თქმით, ნანუკა ჟორჟოლიანი ძალიან დიდი და მნიშვნელოვანი შენაძენია მთლიანად ოპოზიციისთვის.

ცნობისთვის, წყალტუბოს, სამტრედიის, ვანისა და ხონის მუნიციპალიტეტებში „ნაციონალური მოძრაობის“ მაჟორიტარობის კანდიდატად თავდაპირველად გენერალი დევი ჭანკოტაძე განიხილებოდა, თუმცა პარტიამ კანდიდატურა ნანუკა ჟორჟოლიანით ჩაანაცვლა.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა