ნინო ლომჯარიას განცხადებით, ომბუდსმენის აპარატი ბაჩალიაშვილის საქმის მასალებიდან 20 ტომს უკვე გაეცნო და „უახლოეს პერიოდში შესაბამისი პოზიცია ექნებათ“

სახალხო დამცველის ნინო ლომჯარიას განცხადებით, ომბუდსმენის აპარატი თამარ ბაჩალიაშვილის საქმის მასალებს ეცნობა. როგორც მან ჟურნალისტებს განუცხადა, საქმე საკმაოდ მოცულობითია და მათ შესაბამისი პოზიცია თუ რეკომენდაცია უახლოეს პერიოდში ექნებათ.

"ჩვენ ძალიან აქტიურად ვეცნობით საქმის მასალებს. საკმაოდ მრავალრიცხოვანი მასალებია, მრავალი ტომია საქმეში, დაახლოებით 20 ტომს უკვე გავეცანით. პერიოდულად ვიღებ ინფორმაციას, რა დევს საქმის მასალებში. იმედი მაქვს, უახლოეს პერიოდში დავასრულებთ და გარკვეული წარმოდგენა გვექნება გამოძიების ეფექტურობასთან მიმართებით, თუმცა ამ ეტაპზე საქმის მასალების გაცნობასთან დაკავშირებით პრობლემები არ გვაქვს. ალბათ, პრაქტიკულად ერთადერთი უწყება ვართ, რომელიც მეტ-ნაკლებად სრულად იცნობს საქმეს და ალბათ, უახლოეს პერიოდში გვექნება შესაბამისი პოზიცია და რეკომენდაცია",-განაცხადა ლომჯარიამ.

ცნობისთვის, თამარ ბაჩალიაშვილი 18 ივლისს გაუჩინარდა. ის 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს. ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა.

იხილეთ ვიდეო:

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს