სამართალდამცავებმა გუშინ ბელარუსში გამართული საპროტესტო აქციების დროს, მასობრივი ღონისძიებების შესახებ კანონის დარღვევისთვის, 363 მოქალაქე დააკავეს, - ამის შესახებ ინფორმაციას ბელარუსის შინაგან საქმეთა სამინისტროს პრესსამსახური ავრცელებს.
მათივე ინფორმაციით, გუშინ ქვეყნის მასშტაბით 59 საპროტესტო აქცია გაიმართა, რომელშიც მონაწილეობა 5 000-მდე ადამიანმა მიიიღო.
ბელარუსის შინაგან საქმეთა სამინისტროს პრესსამსახურის ცნობით, 363 მოქალაქიდან 252 მინსკში დააკავეს.
შეგახსენებთ, ალექსანდრე ლუკაშენკოს ინაუგურაცია გუშინ გაიმართა და ის საპრეზიდენტო უფლებამოსილების განხორციელებას ოფიციალურად შეუდგა. ლუკაშენკოს ინაუგურაციას ქვეყანაში საპროტესტო აქციები მოჰყვა.