რატი იონათამიშვილი - წინასაარჩევნო გარემოზე კრიმინალური და რადიკალური ოპოზიციის მხრიდან ბრალდებები ხელმოცარული ოპოზიციის ტაქტიკაა

წინასაარჩევნო გარემოზე კრიმინალური და რადიკალური ოპოზიციის მხრიდან ბრალდებები არის ხელმოცარული ოპოზიციის ტაქტიკა, რომ მათ ყველაფერი უნდა დააბრალონ „ქართულ ოცნებას", - ამის შესახებ ფრაქცია „ქართული ოცნების" თავმჯდომარე რატი იონათამიშვილმა განაცხადა.

მისი თქმით, ოპოზიციამ, რომელიც ძალადობრივ წინასაარჩევნო გარემოზე საუბრობს, ფაქტები უნდა წარუდგინოს შესაბამის ორგანოებს, წინააღმდეგ შემთხვევაში, მათი საუბარი იქნება „ურეიტინგო პარტიების თვითაქტუალიზაციის მცდელობა წინასაარჩევნოდ".

„ჩვენი საზოგადოებაც და საერთაშორისო პარტნიორებიც ხედავენ, რომ წინასაარჩევნო კამპანია მიმდინარეობს მშვიდ და სამართლიან გარემოში, ჩვენი უმთავრესი ინტერესი არის, რომ 2020 წლის საპარლამენტო არჩევნები დემოკრატიულობის და გამჭვირვალეობის ხარისხით იყოს სამაგალითო. ჩვენ მადლობას მოვახსენებთ საერთაშორისო პარტნიორებს, რომ ამ მიმართულებით არიან ძალიან აქტიურები. თუ სადმე რაიმე კონკრეტული შემთხვევა იქნება, ცხადია, ამაზე იქნება ადეკვატური რეაგირება.

რაც შეეხება კრიმინალური და რადიკალური ოპოზიციის მხრიდან ბრალდებებს „ქართული ოცნების" მიმართ, ეს ცხადია, არის ხელმოცარული ოპოზიციის ტაქტიკა, რომ მათ ყველაფერი უნდა დააბრალონ „ქართულ ოცნებას", ეს არ გამოუვათ, საზოგადოება და პარტნიორებიც კარგად ხედავენ ვის სურს ამ არჩევნებზე რადიკალიზაცია და შეგახსენებთ მიხეილ სააკაშვილის გამცხადებას, რომ მას არ სურს არჩევნები და სურს რადიკალიზაცია, ეს არის მისი სიტყვები,"- განაცხადა იონათამიშვილმა.

ტოომას ჰენდრიკ ილვესი - არ გჭირდებათ ევროკავშირის დროშების ყველგან აღმართვა, თუ მის ღირებულებებს არ იზიარებთ - სიტყვების თქმით: ”ჩვენ ევროპელები ვართ“, ევროკავშირში ავტომატურად ვერ შეხვალთ
ქართული პრესის მიმოხილვა 09.04.2021
ლევან დოლიძე - რაც უფრო დიდხანს გაგრძელდება ვაშინგტონსა და ბრიუსელში ჩვენს შიდა პრობლემებზე მსჯელობა, მით უფრო გაგვიჭირდება მათთან იმ საკითხებზე საუბარი, რასაც ქვეყნის ინტერესები მოითხოვს
ბექა ნაცვლიშვილი - როგორც ჩანს, "ქართული ოცნება“ ემზადება მოლაპარაკების მესამე რაუნდისთვის და აგრძელებს კომუნიკაციას ევროკავშირთან, ამის შედეგი კი იქნება ის, თუ რა მოხდება მელიას გადადებულ სასამართლოზე
კახა ოქრიაშვილი - 15 მაისის აქციის სამზადისში აქტიურად ვარ ჩართული
ხარისხი გარანტირებულია: "კარფური" „მასტერშეფის“ ახალი სეზონის გენერალური სპონსორი და მხარდამჭერი გახდა