კოვიდ 19-ის შემთხვევების მატება ევროპაში გრიპისა და კორონავირუსის ინფექციის ორმაგი ეპიდემიის რისკს ზრდის,- ამის შესახებ ევროკომისარმა ჯანდაცვის საკითხებში სტელა კირიაკიდესმა განაცხადა.
„გადამწყვეტ მომენტში ვართ, აშკარაა, რომ კრიზისი უკან არ მოგვიტოვებია“, - აღნიშნა სტელა კირიაკიდესმა.
მან მთავრობებს მოუწოდა, მოქალაქეებს გრიპის საწინააღმდეგო ვაქცინის გაკეთებისკენ და სოციალური დისტანცირების ზომების დაცვისკენ მოუწოდონ.
„ეს ჩვენი უკანასკნელი შანსი იქნება იმისთვის, რომ გასული გაზაფხულის გამეორება ავიცილოთ თავიდან,“- აღნიშნა ევროკომისარმა.
ცნობისათვის, ევროპაში, ყოველწლიურად, სეზონური გრიპით 4-50 მილიონი ადამიანი ავადდება. 15 000-დან 70 000-მდე პაციენტი კი გრიპთან დაკავშირებული მიზეზების გამო იღუპება.